રાજકારણ / PM મોદી ગુજરાતનાં CM બન્યા પછી તેમની જ્ઞાતિને OBC કરાઇ? રાહુલ ગાંધીના આરોપ પર ભાજપે જુઓ શું કહ્યું

• રાહુલ ગાંધીએ ફરી PM મોદીની જાતિ પર ઊઠાવ્યાં સવાલો
• કહ્યું તેમની મોઢ ઘાંચી જાતિને 2000ની સાલમાં OBCમાં સમાવિષ્ટ કરવામાં આવી
• જેનો વળતો જવાબ ભાજપ દ્વારા પુરાવા સહિત આપવામાં આવ્યો

ભારત જોડો ન્યાય યાત્રા દરમિયાન કોંગ્રેસ નેતા રાહુલ ગાંધીએ પ્રધાનમંત્રી નરેન્દ્ર મોદીની જાતિને લઈને તેમના પર નિશાન સાધ્યું હતું. તેમણે આરોપ લગાડ્યો હતો કે," PM મોદી ઓબીસીમાં પેદા નથી થયાં. ગુજરાતનાં CM બનવા બાદ તેમણે પોતાની જાતિને ઓબીસીનાં રૂપમાં નોંધણી કરાવી." રાહુલ ગાંધીનાં આ આરોપનો વળતો જવાબ BJP તરફથી આપવામાં આવ્યો છે.

Prime Minister Narendra Modi got his caste notified as an OBC after he became the Chief Minister of Gujarat: Rahul Gandhi.

This is a blatant lie. PM Narendra Modi's caste was notified as an OBC on Oct 27, 1999, a full 2 years BEFORE he became the Chief Minister of Gujarat.… pic.twitter.com/lDU3uJrHwJ

— Amit Malviya (@amitmalviya) February 8, 2024

BJPએ પોતાના નિવેદનમાં કહ્યું કે- "આ હળાહળ ખોટું છે. PM મોદીની જાતિ તેમના ગુજરાતનાં મુખ્યમંત્રી બનવાનાં 2 વર્ષ પહેલાં 27 ઑક્ટોબર 1999નાં ઓબીસીનાં રૂપમાં નોંધવામાં આવી હતી."

ઓબીસીને લઈને PM મોદી પર નિશાન સાધ્યું
કોંગ્રેસ સાંસદ રાહુલ ગાંધીએ કહ્યું હતું કે-"પીએમ મોદી પાર્લિયામેંટમાં કહે છે કે ઓબીસી વર્ગને ભાગીદારીની શું જરૂરિયાત છે? તેઓ કહે છે કે હું ઓબીસી છું. મોદીજી ગુજરાતનાં સવર્ણ જાતિનાં ઘરમાં પેદા થયાં હતાં. ઘાંચી કમ્યૂનિટીને ભાજપે વર્ષ 2000માં ઓબીસીમાં સામેલ કર્યું. PM મોદી જનરલ કાસ્ટમાં પેગા થયાં હતાં તે કોઈ ઓબીસીને ભેટતાં નથી અને ન કોઈ ખેડૂતનો હાથ પકડે છે."

વધુ વાંચો: લોકસભામાં શ્વેતપત્ર લાવી મોદી સરકાર: UPAના સમયમાં ઈકોનોમી સંભાળવામાં થયેલી ભૂલો પર થશે ચર્ચા

2014માં પણ આ જ સવાલો ઊઠાવવામાં આવ્યાં હતાં
રાહુલ ગાંધીએ આગળ કહ્યું કે- PM નરેન્દ્ર મોદી જાતિગત ગણતરી નથી કરવાનાં...જાતિ જનગણના કોંગ્રેસ જ કરીને બતાવશે. તેમણે કહ્યું કે મોદીજી કહે છે કે દેશમાં માત્ર 2 જ જાતિઓ છે ગરીબ અને અમીર તો પછી તે OBC ક્યાંથી થઈ ગયાં" આવું પહેલીવાર નથી બન્યું જ્યારે કોંગ્રેસે PM મોદીની જાતિને લઈને સવાલો ઊઠાવ્યાં હોય. 2014ની સાલમાં PM મોદીનાં જીતવા પહેલાં પણ કોંગ્રેસે આ પ્રકારનાં આક્ષેપો જ લગાડ્યાં હતાં.