ઇલેક્શન BREAKING / ચૂંટણીટાણે કોંગ્રેસને સૌથી મોટો ફટકો, આદિવાસી દિગ્ગજ MLA મોહન રાઠવાએ છોડ્યો હાથ, હવે કમળ ખિલવશે

• કોંગ્રેસના ધારાસભ્ય મોહન રાઠવાએ આપ્યુ રાજીનામું
• કોંગ્રેસના ધારાસભ્ય સમર્થકો સાથે જોડાશે ભાજપમા
• કોંગ્રેસના ધારાસભ્ય મોહન રાઠવા જોડાશે ભાજપમાં

ગુજરાત વિધાનસભાની ચુંટણીને લઇને પક્ષ પલટાની મોસમ બરાબરની જામી છે. પોત-પોતાના પક્ષથી નારાજ નેતાઑ પાટલી બદલી રહ્યા છે. તેવામાં કોંગ્રેસને સૌથી મોટો ફટકો પડ્યો છે.  ફરી એકવાર ગુજરાત કોંગ્રેસ તુંટી છે અને કોંગ્રેસના ધારાસભ્ય મોહન રાઠવાએ કોંગ્રેસમાંથી રાજીનામું આપ્યું છે. તેઑ સૌથી વધુ વખત ધારાસભ્ય બનવાનો રેકોર્ડ  ધરાવવા ઉપરાંત આદિવાસી સમાજમાં બહોળી ચાહના ધરાવે છે. કોંગ્રેસના આ ધારાસભ્ય પોતાના સમર્થકો સાથે ભાજપમાં જોડાશે.  આજે સાંજે 5 વાગ્યે કમલમ ખાતે ભાજપનો કેસરિયો ધારણ કરશે. જેને પગલે આગામી ચુંટણીમાં કોંગ્રેસને માઠા પરિણામ ભોગવવા પડે તો નવાઇ નહીં!

ચૂંટણી સમયે જ કોંગ્રેસને મોટો ઝટકો લાગ્યો છે. કોંગ્રેસના ધારાસભ્ય અને પૂર્વ વિપક્ષ નેતા મોહન રાઠવા હવે ભાજપમાં જોડાવા જઇ રહ્યાં છે. મોહન રાઠવા કોંગ્રેસના સિનિયર નેતા છે અને છોટાઉદેપુરથી બે ટર્મથી ધારાસભ્ય પણ રહી ચૂક્યા છે. અગાઉ વિસાવદરના ધારાસભ્ય અને ખેડૂત નેતા હર્ષદ રિબડિયા અને કોંગ્રેસના દિગ્ગજ નેતા અશ્વિન કોટવાલ પણ ભાજપમાં જોડાઇ ગયા છે. એટલે કે એક બાદ એક કોંગ્રેસને ઝટકા લાગી રહ્યાં છે.

મોહનસિંહ રાઠવા કોણ છે?

•  સૌથી વધુ વખત ધારાસભ્ય બનવાનો ધરાવે છે રેકર્ડ
• 1972થી અત્યાર સુધી મોહનસિંહ રાઠવા 8 વખત ધારાસભ્ય બન્યા
• ચૂંટણી ન લડવાની અગાઉ જાહેરાત કરી હતી
• થોડા સમય પહેલા રાજેન્દ્ર ત્રિવેદીએ મોહનસિંહ રાઠવાના વખાણ કર્યા હતા
• મોહનસિંહ રાઠવા પાસેથી સભ્યોને ગૃહની ગરિમાના પાઠ શિખવા કરી હતી ટકોર