ક્રિકેટ / ટીમ ઇન્ડિયાને મોટી રાહત: સામે આવ્યા એવાં આંકડા જે દૂર કરી દેશે કેપ્ટન હાર્દિક પંડ્યાનું ટેન્શન, જુઓ કઇ રીતે

• ભારતનો વેસ્ટ ઈન્ડિઝ પ્રવાસ હવે તેના અંતિમ ચરણમાં છે 
• પાંચ મેચની આ સીરિઝમાં ટીમ ઈન્ડિયા પહેલી બે મેચ હારી હતી 
• સીરિઝની છેલ્લી બે મેચ 12 અને 13 ઓગસ્ટે લોડરહિલ, ફ્લોરિડામાં રમાશે 

IND vs WI T20 Series:  ભારતનો વેસ્ટ ઈન્ડિઝ પ્રવાસ હવે તેના અંતિમ ચરણમાં પહોંચી ગયો છે. નોંધનીય છે કે ટેસ્ટ અને વનડે સીરીઝ જીત્યા બાદ ટીમ ઈન્ડિયા ટી20 સીરીઝમાં ખરાબ રીતે ફસાઈ ગઈ છે. પાંચ મેચની આ સીરિઝમાં પહેલી બે મેચ હાર્યા બાદ હાર્દિકની સેના એ ત્રીજી મેચ જીતી હતી પણ હજુ સીરિઝ જીતવાની બાકી છે. સીરિઝની છેલ્લી બે મેચ 12 અને 13 ઓગસ્ટે લોડરહિલ, ફ્લોરિડામાં રમાવવાની છે પણ આ પહેલા જે આંકડાઓ સામે આવ્યા છે તે ભારતીય કેપ્ટન હાર્દિક પંડ્યાના તણાવને અમુક અંશે ઘટાડી શકે છે. 

For his breathtaking match-winning knock in the third #WIvIND T20I, Suryakumar Yadav bags the Player of the Match award 🙌 🙌

Scorecard ▶️ https://t.co/3rNZuAiOxH #TeamIndia pic.twitter.com/vFQQYFUKOC

— BCCI (@BCCI) August 8, 2023

ટીમ ઈન્ડિયા શનિવારે આ મેદાન પર 7મી મેચ રમશે.
જણાવી દઈએ કે 2016માં પહેલીવાર ભારતીય ટીમ ફ્લોરિડામાં T20 ઈન્ટરનેશનલ રમી હતી. જે બાદ ટીમ ઈન્ડિયાએ આ મેદાન પર કુલ 6 મેચ રમી અને ખાસ વાત એ છે કે 2016માં આ મેદાન પર પોતાની પહેલી મેચ હાર્યા બાદ ટીમ ઈન્ડિયા અહીં ક્યારેય હાર્યું નથી. 2016માં સીરિઝની બીજી મેચ વરસાદને કારણે અનિર્ણિત રહી હતી. તે પછી 2019 અને ફરીથી 2022 માં ભારત અહીં 2-2 મેચ જીતી હતી. ટીમ ઈન્ડિયાએ આ મેદાન પર 6 T20 મેચો વેસ્ટ ઈન્ડિઝ સામે જ રમી છે અને હવે વર્તમાન સીરિઝમાં પણ હાર્દિક પંડયા અને ટીમ આ જૂનો રેકોર્ડ જાળવી રાખવા માંગશે.રોહિત શર્માની કેપ્ટન્સીમાં ટીમ ઈન્ડિયાએ ગયા વર્ષે ફ્લોરિડામાં બંને મેચ જીતી હતી.

ફ્લોરિડામાં ટીમ ઈન્ડિયાની તમામ મેચોના પરિણામો
1લી મેચ - વેસ્ટ ઈન્ડિઝ 1 રનથી જીત્યું (2016)
બીજી મેચ - કોઈ પરિણામ નહીં (2016)
ત્રીજી મેચ - ટીમ ઈન્ડિયા 4 વિકેટે જીતી (2019)
ચોથી મેચ - ટીમ ઈન્ડિયા 22 રને જીતી (2019)
પાંચમી મેચ - ટીમ ઈન્ડિયા 59 રનથી જીતી (2022)
છઠ્ઠી મેચ - ટીમ ઈન્ડિયા 88 રનથી જીતી (2022)

💬 💬 We will look to bring our 'A-game' in the 4⃣th T20I: #TeamIndia Bowling Coach Paras Mhambrey#WIvIND pic.twitter.com/J77aV3OUvC

— BCCI (@BCCI) August 11, 2023

જો હાલ ચાલી રહેલ ટી-20 સિરીઝની વાત કરીએ તો વેસ્ટ ઈન્ડિઝની આ ટીમ ભારતીય ટીમ પર હાવી પડી છે. નિકોલસ પૂરન, રોવમેન પોવેલે બેટિંગમાં સારું પ્રદર્શન કરી રહ્યા છે તો બીજી તરફ બોલિંગમાં ઓબેદ મેકકોય, અકીલ હુસૈન જેવા બોલરોએ ભારતીય ટીમને ઘણી પરેશાન કરી છે. આવી સ્થિતિમાં ચોથી અને પાંચમી મેચ ઘણી રોમાંચક બની શકે છે. જો લોડરહિલના સેન્ટ્રલ બ્રોવર્ડ સ્ટેડિયમની પિચના જૂના આંકડાઓ જોઈએ તો આ મેદાનમાં સ્પિનરોને વધુ મદદ મળી છે. આવી સ્થિતિમાં ભારતીય ટીમ માત્ર અક્ષર, કુલદીપ અને ચહલ સાથે આ મેદાનમાં ઉતરી શકે છે.