BIG BREAKING / તલાટીની ભરતીની તૈયારી કરતાં ઉમેદવારો માટે મોટા સમાચાર, સંભવિત તારીખ થઈ જાહેર, જુઓ ક્યારે લેવાઈ શકે પરીક્ષા

• પંચાયત સેવા પસંદગી બોર્ડ દ્વારા તલાટીતી લેખિત પરીક્ષાની તારીખ જાહેર
• તલાટીની લેખિત પરીક્ષા 23 એપ્રિલના રોજ યોજાઈ શકે છે
• કાલે પંચાયત સેવા પસંદગી બોર્ડ દ્વારા જુનિયર ક્લાર્કને સંભવિત તારીખ જાહેર કરી હતી

 ગુજરાત પંચાયત સેવા પસંદગી બોર્ડ દ્વારા ગત રોજ જુનિયર ક્લાર્કની પરીક્ષાની સંભવિત તારીખ જાહેર કરવામાં આવી હતી. ત્યારે આજે હસમુખ પટેલ દ્વારા ટ્વિટ કરીને તલાટીને લેખિત પરીક્ષાની સંભવિત તારીખ 23 એપ્રિલ જાહેર કરવામાં આવી છે. ત્યારે તૈયારીઓના ભાગરૂપ પંચાયત સેવા પસંદગી બોર્ડ દ્વારા દરેક જીલ્લામાંથી પૂરતા પરીક્ષા કેન્દ્રો ઉપલબ્ધ છે કે નહી તેની વિગતો મંગાવવામાં આવી છે. જે વિગતો આવ્યા બાદ તારીખ જાહેર કરવામાં આવશે. આ બાબતે હસમુખ પટેલ ટ્વિટ કરી માહિતી આપી હતી.

પંચાયત સેવા પસંદગી બોર્ડ તલાટીની લેખિત પરીક્ષા 23 એપ્રિલના રોજ લેવા માંગે છે. ત્યારે પૂરતા પરીક્ષા કેન્દ્રો ઉપલબ્ધ છે કે કેમ તેની વિગતો જિલ્લાઓ પાસેથી મંગાવવામાં આવેલ છે. વિગતો ઉપલબ્ધ થયા બાદ તારીખ જાહેર કરવામાં આવશે.

— Hasmukh Patel (@Hasmukhpatelips) February 16, 2023

ગત રોજ જુનિયર ક્લાર્કની પરીક્ષાની સંભવિત તારીખ જાહેર કરાઈ હતી
પંચાયત સેવા પસંદગી બોર્ડ જુનિયર ક્લાર્કની લેખિત પરીક્ષા 9 એપ્રિલના રોજ લેવા માંગે છે. ત્યારે પૂરતા પરીક્ષા કેન્દ્રો ઉપલબ્ધ છે કે કેમ તેની વિગતો જિલ્લાઓ પાસેથી મંગાવવામાં આવી છે. વિગતો ઉપલબ્ધ થયા બાદ તારીખ જાહેર કરવામાં આવશે. ગત રોજ હસમુખ પટેલે ટ્વીટ કરી માહિતી આપી છે.

ઉમેદવારોમાં ઉત્સાહમાં આગામી સમયમાં યોજાશે જુનિયર ક્લાર્ક અને તલાટીની પરીક્ષા
GPSSB દ્વારા લેવાનાર જુનિયર ક્લાર્કની પરીક્ષાનું પેપર ફુટ્યા બાદ સરકાર દ્વારા IPS હસમુખ પટેલની ગુજરાત પંચાયત બોર્ડનાં અધ્યક્ષ તરીકે વરણી કરવામાં આવી છે. ત્યારે આજે તેઓએ ટ્વિટ કરી તલાટીની પરીક્ષાની સંભવિત તારીખ પણ ટ્વિટ પર જાહેર કરતા ઉમેદવારોએ હાશકારો અનુભવ્યો હતો. હસમુખ પટેલ દ્વારા ગત રોજ જુનિયર ક્લાર્કની પરીક્ષાની તૈયારીઓના ભાગરૂપે સંભવિત તારીખોની જાણકારી ટ્વિટ કરી ઉમેદવારોને આપી હતી.  

ક્યાં જીલ્લામાં કેટલી જગ્યા