ક્રિકેટ / Big Bash League: બેટ્સમેને ફટકારેલો બોલ સ્ટેડિયમની છતને અથડાઈને સીધો પીચ પર પડ્યો, છતાં અમ્પાયરે આપી SIX, જુઓ VIDEO

• મેલબર્ન સ્ટાર્સ અને મેલબર્ન રેનેગેડ્સ વચ્ચે મેચ યોજાઈ
• છાપરા સાથે અથડાઈને પિચની નજીક આવ્યો બોલ
• તેમ છતાં ટીમના ખાતામાં આવ્યાં છ રન

મેલબર્ન રેનેગેડ્સની ટીમનો છ રનથી વિજય થયો

મહત્વનું છે કે પહેલા મેદાનની અંદર છાપરા સાથે અથડાયા બાદ બોલ ડેડ જાહેર કરાતો હતો, પરંતુ હવે નિયમોમાં ફેરફાર બાદ છ રન મળે છે. વિશ્વભરમાં આ સમયે ટી20 લીગનુ આયોજન થઇ રહ્યું છે. આ ક્રમમાં ઓસ્ટ્રેલિયાની ધરતી પર બિગ બેશ લીગનુ પણ આયોજન થઇ રહ્યું છે. શનિવારે મેલબર્ન સ્ટાર્સ અને મેલબર્ન રેનેગેડ્સ વચ્ચે મેચ યોજાઈ,  જ્યાં રેનેગેડ્સની ટીમનો છ રનથી વિજય થયો. મેલબર્ન રેનેગેડ્સની ટીમની જીતના હીરો સેમ હાર્પર રહ્યાં, જેણે અર્ધસદી ફટકારી હતી. 

છાપરા સાથે અથડાયો બોલ અને મળી સિક્સ

મેચ દરમ્યાન બે તક એવી આવી જ્યારે બેટરે શોટ ફટકાર્યા બાદ બોલ છાપરે અથડાયો અને બેટરને છ રન મળ્યાં. પહેલી વખત મેલબર્ન સ્ટાર્સની ઈનિંગની ત્રીજી ઓવરમાં આ ઘટના થઇ. વિલ સદરલેન્ડની પાંચમી બોલને જો ક્લાર્કે મિડ-વિકેટની ઉપરથી રમવાનો પ્રયાસ કર્યો. પરંતુ બોલ તેમના બેટથી અડીને 38 મીટર ઊંચા સ્ટેડિયમના છાપરા સાથે અથડાઈને પિચ પર આવ્યો. એવામાં જો ક્લાર્કને સીધા છ રન મળ્યાં. 

Beau Webster sends ANOTHER one into the Marvel Stadium roof - and that'll be another SIX runs!! 🤯#BBL12 pic.twitter.com/3YdMNv0cLv

— KFC Big Bash League (@BBL) January 14, 2023

ફરીથી મેલબર્ન સ્ટાર્સની ઈનિંગમાં આ ઘટના ઘટી 

પછી મેલબર્ન સ્ટાર્સની ઈનિંગની 16મી ઓવરમાં આ ઘટના ઘટી. ટૉમ રૉજર્સના બોલમાં બેટનો બહારનો ભાગ અડીને હવામાં ઊંચો ઉછળે છે અને બોલ છાપરા સાથે અથડાયા બાદ લેગ-સાઈડ એરિયામાં જઇને પડ્યો. આ સમયે જો બોલ છાપરા સાથે ના અથડાયો હોત તો બેટર કેચ આઉટ થયો હોત. સોશિયલ મીડિયામાં તેમનો આ વીડિયો ખૂબ વાયરલ થઇ રહ્યો છે.

IT'S HIT THE ROOF!!!

Lucky or not, it's 6️⃣ in the book! #BBL12 | @BKTtires | #GoldenMoment pic.twitter.com/Y7AJJDxmNf

— cricket.com.au (@cricketcomau) January 14, 2023