VIDEO / ભાવનગર: પ્લાસ્ટીક ઉદ્યોગ પર મંદીના વાદળો, 25000 કામદારોની રોજી સંકટમાં, જુઓ વીડિયો

ભાવનગર જિલ્લામાં જેમ અંલગ શિપબ્રેકિંગ ઉદ્યોગ માટે જાણીતું છે. તેમ ભાવનગર પ્લાસ્ટિક ઉદ્યોગ માટે પણ જાણીતું છે.. 1968થી શરૂ થયેલા પ્લાસ્ટીક ઉદ્યોગમાં મોનો ફિલાયાર્ન, દોરી-દોરડા, ફિશિંગ નેટ, કાપડ, પાટી સહિતની વિવિધ વસ્તુઓનું ઉત્પાદન થાય છે. અને દેશ-વિદેશમાં આ માલ મોકલવામાં આવે છે. પરંતુ હાલ સ્થિતિ એ બની છે કે, 1200 જેટલા વિવિધ ઉત્પાદન કરતા યુનિટોમાંથી 15 ટકા જેટલા યુનિટોએ ઉત્પાદન બંધ કરી નાખ્યું છે.. જેના કારણે હજારો કારીગરો બેરોજગાર બન્યા છે.

5 હજાર મહિલાઓ કામ કરે છે પ્લાસ્ટિક ઉદ્યોગમાં

પ્લાસ્ટિક ઉદ્યોગમાં વપરાતા કાચાનું ઉત્પાદન પણ ભારતમાં જ થાય છે. પરંતુ કાચા માલનું ઉત્પાદન કરતી કંપનીઓ પણ વારંવાર ભાવમાં અપ-ડાઉન કરે છે.. જેની પણ પ્લાસ્ટિક ઉદ્યોગ પર માઠી અસર થઈ રહી છે.. હાલ તો આ ઉદ્યોગો મંદીના માહોલમાં ચાલી રહ્યા છે.. તેવામાં તેને વેગ માટે કોઈ આર્થિક સપોર્ટ મળે તેવી ઉદ્યોગકારો આશા સેવી રહ્યા છે..

વધુ વાંચોઃ 'હાર્દિક પરથી આ લોકોએ શીખવાની જરૂર છે કે...', અલ્પેશ અને ધર્મેશ માલવિયાના ભાજપમાં જોડાવવા અંગે શું બોલ્યા રેશમા પટેલ?

3 દિવસ કામકાજ બંધ રાખવાનું શરૂ કરતાં મજૂરોની માઠી દશા

મહત્વનું છે કે, ભાવનગરનો ત્રીજા નંબરનો સૌથી મોટો પ્લાસ્ટિક ઉદ્યોગ અત્યારે મંદીનો સામનો કરી રહ્યો છે. કારખાનેદારોનું માનવું છે કે, 25000થી વધુ લોકોને રોજગારી આપતા આ ઉદ્યોગને ટકાવી રાખવા માટે ચાઈના-કોરીયાથી આવતા માલ પર કસ્ટમ ડ્યુટી વધારવાની તાતી જરૂર છે, ત્યારે આ દિશામાં સરકાર શું પગલા ભરે છે તે જોવું રહ્યું..