ધરપકડ / અમદાવાદ: રાત્રે મકાનની બારી ખુલ્લી રાખતા હોય તો ચેતજો.! પૈસા અને મોજશોખ માટે મિત્રો બન્યા ચોર, મોડસ ઓપરેન્ડી જાણી લેવી હિતાવહ

• પૈસા અને મોજશોખ માટે મિત્રો બન્યા ચોર
• ઘરફોડ ચોરી કરીને મચાવતા હતા આંતક
• મણિનગર પોલીસે બે આરોપીની કરી ધરપકડ

 મણિનગર પોલીસે બે આરોપીઓ પ્રકાશ ઉર્ફે પકો ચંદુભાઇ દંતાણી અને ભરતભાઇ બચુભાઇ દંતાણીની ધરપકડ કરી છે. બંને મણિનગરમાં બળિયાકાકાની ચાલીમાં રહે છે. અને મિત્રો છે. આ બન્ને આરોપીઓએ મોજશોખ કરવા અને પૈસા કમાવવા ઘરફોડ ચોરી કરવાનું શરૂ કરી. તાજેતરમાં મણિનગરમાં આવેલી દૈવીશ્યામ એપાર્ટમેન્ટમાં આ આરોપીએ રૂ 1.54 લાખની ઘરફોડ ચોરી કરી. પરંતુ ઘટના સ્થળે પહોંચેલી પોલીસની તપાસ અને ચોરોની મોડ્સ ઓપરેન્ડીથી ગણતરીના કલાકોમાં આ બંન્ને ચોર સુધી પહોંચી ગઈ અને ઘરફોડ ચોરીનો ભેદ ઉકેલીને ચોરીના રૂ 95 હજારનો મુદ્દામાલ જપ્ત કર્યો.

પ્રકાશ  4 જ્યારે ભરત 2 ઘરફોડ ચોરીનાં ગુનામાં ઝડપાયેલો છે
પકડાયેલ ઘરફોડ ચોર પ્રકાશ દતાંણી અને ભરત દંતાણી કુખ્યાત આરોપી છે. જેમાં પ્રકાશ  4 ઘરફોડ ચોરીના ગુનામાં ઝડપાયો છે. જ્યારે ભરત 2 ગુનામાં ઝડપાયો છે. બન્ને ઘરફોડ ચોરી કરવા રાત્રે નીકળતા હતા. અને જે મકાનની બારી ખુલ્લી જોવા મળતી હતી. તેને જ મકાનને ટાર્ગેટ કરીને ચોરીને અંજામ આપતા હતા. મણિનગરમાં પણ આ મોડ્સ ઓપરેન્ડીથી ઘરફોડ ચોરી કરી હતી. જેથી આ મોડ્સ ઓપરેન્ડીના કારણે પોલીસે તેઓને ઝડપીને ઘરફોડ ચોરીનો ભેદ ઉકેલી કાઢ્યો.

બંને આરોપીઓને પાસા હેઠળ ધકેલાયા
ગણતરીની કલાકોમાં ઘરફોડ ચોરીના ગુનાઓનો ભેદ ઉકેલીને મણીનગર પોલીસે મોટી સફળતા મેળવી. પરંતુ આ ચોર મિત્રો પકડાય તો છે. પરંતુ ફરી છૂટ્યા બાદ ઘરફોડ ચોરીને અંજામ આપે છે. જેથી પોલીસે બન્ને આરોપીઓને પાસા કરવાની કડક કાર્યવાહી હાથ ધરી છે.