સૂત્રોચ્ચાર / ગુજરાતમાં વધુ એક પેપરલીક? વલસાડમાં એકાઉન્ટના પાંચમાં સેમિસ્ટરનું પેપર ફૂટ્યું હોવાનો આરોપ, વિદ્યાર્થીઓનો હોબાળો

• વલસાડમાં એન એચ શાહ કોમર્સ કોલેજમાં હંગામો 
• કોલેજમાં પેપર લીક થયાનો ગંભીર આક્ષેપ 
• પેપરલીક થયાના આક્ષેપ સાથે વિદ્યાર્થીઓનો હોબાળો 

વલસાડની જાણીતી એન એચ કોમર્સ કોલેજમાં પેપર લીક થયાનો આક્ષેપ સાથે વિદ્યાર્થીઓએ હોબાળો મચાવ્યો હતો. જે સમગ્ર બનાવને લઈ કોલેજમાં માહોલ ગરમાયો હતો. આ મુદ્દે બે વિદ્યાર્થી સંગઠનો પણ મેદાને ઉતર્યા હતા. વિદ્યાર્થીઓએ પેપર ફૂટવાના આ પ્રકરણમાં કોલેજના જ સ્ટાફ કે કોઈ પ્રોફેસરની સંડોવણી હોવાનો સનસનીખે આક્ષેપ આક્ષેપ કર્યો હતો. તેમજ વિદ્યાર્થીઓએ આચાર્યની ઓફિસમાં સૂત્રોચ્ચાર કરી વિરોધ નોંધાવ્યો છે

#ચોકીદાર_જ_ચોર હોઈ ત્યાં બધું તળિયા જાટ્ક જ હોઈ..#પેપરલિકેજ ને લઈને ઘરના ભુવા ને ઘરના ડાકલાં જેવી પરિસ્થિતિ છે ગુજરાતમાં..

બીજા રાજ્ય માં સુફિયાણી વાતો થાય પણ ગુજરાતમાં એ જ ઘટના બને તો મૌન સેવી લેવાય છે.@narendramodi https://t.co/6bGLlYXwtz pic.twitter.com/2tFay7hyVW

— Yuvrajsinh Jadeja (@YAJadeja) October 3, 2023

પેપરલીક થયાના આક્ષેપ સાથે વિદ્યાર્થીઓનો હોબાળો 
વલસાડની જાણીતી એન એચ કોમર્સ કોલેજ દ્વારા લેવાયેલી પરીક્ષામાં બીકોમના પાંચમા સેમિસ્ટરનું પેપર લીક થયાનો આક્ષેપ થયો છે. આ પેપર ફૂટ્યું હોવાના વિદ્યાર્થીઓ સંગઠનોએ આક્ષેપ કર્યા છે. જેને લઈ વિદ્યાર્થીઓએ આ મામલે કોલેજના આચાર્યને રજૂઆત કરી હતી. આ પેપર ફૂટવા પ્રકરણની ઊંડાણપૂર્વક તપાસ કરી અને આ પેપર કાંડમાં કોલેજનો કોઈ સ્ટાફ કે પ્રોફેસરની સંડોવણી હોવાનો આક્ષેપ કર્યો છે.

#વલસાડની કોલેજમાં પરીક્ષા દરમિયાન #પેપરલીક થયું હોવાના વિદ્યાર્થીઓ દ્વારા આક્ષેપ

શાહ એન.એચ.કોમર્સ કોલેજ વિવાદમાં

TY https://t.co/epOqlavmm5 સેમેસ્ટર 5નું પેપર લીક

પ્રોફેસરે પેપર લીક કર્યાનો વિદ્યાર્થીઓનો આક્ષેપ

એડવાન્સ એકાઉન્ટીંગ એન્ડ ઓડિટિંગનું પેપર લીક

#वलसाड

पेपर लीक… pic.twitter.com/QyhMvEBNM0

— Yuvrajsinh Jadeja (@YAJadeja) October 3, 2023

વિદ્યાર્થી સંગઠનોએ રજૂઆત કરી
આ પેપર કાંડ માં જેની પણ સંડોવની જણાય તેના વિરુદ્ધ કાયદેસરની કાર્યવાહી કરવા વિદ્યાર્થી સંગઠનોએ રજૂઆત કરી છે. તો બીજી તરફ કોલેજ દ્વારા પણ બચાવ કરવામાં આવી રહ્યો છે. કોલેજના આચાર્ય આ મુદ્દે  તપાસ કરી યોગ્ય કાર્યવાહી કરવામાં આવશે તેવું જણાવ્યું હતુ. આમ કોમર્સ કોલેજમાં પેપર ફૂટ્યું હોવાના આક્ષેપ સાથે વિદ્યાર્થી સંગઠનોએ બાયો ચડાવતા મામલો ગરમાયો છે.