ગાંધી જયંતી / બાપુનું જીવન સૌ કોઈ માટે આરોગ્યનું વરદાન, વૈષ્ણવ ભોજનથી લઈ સાફ-સફાઇ, ડાયટ અને લાઈફસ્ટાઈલ સુધી..કેટલીય બીમારીઓથી બચાવશે

• મહાત્મા ગાંધીનું જીવન આપણા બધા માટે એક શીખ છે
• ગાંધીજીનાં સારા સ્વાસ્થ્યનું રહસ્ય તેમના સૂવાના અને જાગવાના કલાકોમાં રહેલું છે
• ગાંધીજી સવારે 4 વાગ્યે જાગી જતા, રાત્રે 9 વાગ્યે પણ સૂઈ જતા હતા

 ગાંધીજીનું જીવન આપણા બધા માટે પ્રેરણારૂપ છે. શિસ્તબદ્ધ જીવન જીવવાની વાત હોય કે અહિંસા અને સત્યના માર્ગે ચાલવાની વાત હોય. તમે બાપુ પાસેથી ઘણું શીખી શકો છો. હવે જો આપણે માત્ર સ્વસ્થ રહેવાની કે તેમની જીવનશૈલી વિશે વાત કરીએ તો બાપુનાં આહારમાં શું હતું જેણે તેમને આટલા સક્રિય બનાવ્યા. તેમજ તેમનું સૂવું, ઉઠવું અને જાગવાનો સમય જે જણાવે છે કે જો દિવસની શરૂઆત યોગ્ય હોય તો તમે માનસિક રીતે કેવી રીતે મજબૂત બની શકો છો.

મહાત્મા ગાંધીજીનાં સારા સ્વાસ્થ્યનું રહસ્ય

1. સમયસર સૂવું અને જાગવું
ગાંધીજીનાં સારા સ્વાસ્થ્યનું રહસ્ય તેમના સૂવાના અને જાગવાના કલાકોમાં રહેલું છે. Gandhiashramsevagram.org મુજબ ગાંધીજી સવારે 4 વાગ્યે જાગી જતા હતા. રાત્રે 9 વાગ્યે પણ સૂઈ જતા હતા.  

2. હળવો ખોરાક ખાવો
ગાંધીજી સવારે 7 વાગે નાસ્તો કરતા હતા. જેમાં તેઓ મસાલા, ડુંગળી, લસણ અને તેલ વગરનો ખોરાક ખાતા હતા. એવું કહેવાય છે કે તે પોતાના ભોજનમાં ખૂબ જ ઓછા પ્રમાણમાં મીઠું અને ખાંડ લેતા હતા. તેમના આહારમાં મોટે ભાગે અનાજ, ફળો અને ઋતુ પ્રમાણે આવતા શાકભાજીનો સમાવેશ થતો હતો. બાપુ 11 વાગે જમી લેતા અને સાંજે 5 વાગે રાત્રી ભોજન કરી લેતા હતા.  

3. ઉપવાસ
બાપુ ખૂબ ઉપવાસ કરતા. આ કારણે તેમનું શરીર એકદમ એક્ટિવ રહ્યું હતું. તેમજ અન્ય લોકોની તુલનામાં, તે રોકાયા વિના કે થાક્યા વિના સતત પોતાનું કામ કરતા હતા. તમે પણ બાપુ પાસેથી આ શીખી શકો છો અને અઠવાડિયામાં ઓછામાં ઓછું એક વખત ઉપવાસ કરી શકો છો અથવા મીઠું અને ખાંડ છોડી શકો છો.

4. રોજ ઘણું બધુ ચાલવું
સવારના નાસ્તા પહેલા બાપુ દરરોજ લગભગ 5 કિમી ચાલતા હતા. આ સિવાય તે નજીકના વિસ્તારોમાં પગપાળા જતા અને લોકોને મળતા હતા. તમારે પણ આ વસ્તુ શીખવી જોઈએ. જો તમે આ કરો છો. તો તમે સ્થૂળતા, થાઇરોઇડ, ડાયાબિટીસ અને હૃદયના રોગોનો શિકાર નહીં બનો. 

5. તડકામાં બેસીને તેલની માલિશ કરો
આપણે હંમેશા વિટામિન ડી વિશે વાત કરીએ છીએ. બાપુ દરરોજ 8 થી 10 વાગ્યાની વચ્ચે તડકામાં બેસીને શરીરની માલિશ કરતા હતા. માલિશ તમારા હાડકાંને સ્વસ્થ રાખે છે. એટલું જ નહીં તમારી રોગપ્રતિકારક શક્તિ પણ વધારે છે. આ પદ્ધતિ તમને ઘણી બીમારીઓથી બચાવવામાં પણ મદદ કરે છે. ત્યારે તમે પણ આ બધું શીખો અને સ્વસ્થ રહો.