માર માર્યો / 'બાબરી'ના સમર્થક ઇકબાલ અંસારીને લોકોએ મસ્જિદમાં માર્યો માર, સીએમ યોગીના વખાણ કરવા પર હુમલાનો આરોપ

બાબરી મસ્જિદના સમર્થક ઈકબાલ અંસારીને શુક્રવારે નમાજ બાદ કેટલાક લોકોએ માર માર્યો હતો. આરોપ છે કે તેને મસ્જિદની અંદર જ મારવામાં આવ્યો હતો. ઈકબાલ અન્સારીની ફરિયાદના આધારે પોલીસે રામજન્મભૂમિ પોલીસ સ્ટેશનમાં કેસ નોંધીને તપાસ શરૂ કરી છે. ફરિયાદમાં આરોપ લગાવવામાં આવ્યો છે કે યોગી આદિત્યનાથના વખાણ કરવા પર તેમને માર મારવામાં આવ્યો હતો. જેના કારણે તેને ઈજા પણ થઈ હતી. આને લગતો એક વીડિયો પણ સામે આવ્યો છે. કેટલાક લોકો આમાં ઇકબાલને માર મારવાનો પ્રયાસ કરી રહ્યા છે. બારીમાંથી લીધેલા વીડિયોમાં કોઈ ઈકબાલને ખેંચવાનો પ્રયાસ કરી રહ્યું છે. ઈકબાલે જણાવ્યું કે મસ્જિદમાં બારી ખોલતી વખતે અયુબ ઉર્ફે પપ્પુ નામના વ્યક્તિએ તેની સાથે ગેરવર્તન કર્યું.

ઈકબાલ અંસારી કહે છે કે તેઓ યોગી-મોદી સરકારના કામના વખાણ કરતા રહે છે. આ કારણે કેટલાક લોકો તેમનાથી નારાજ રહે છે. સ્થાનિક રહેવાસી અયુબ પણ તેમાંથી એક છે. અયુબની સાથે અન્ય ચાર લોકો પણ હતા. ઈકબાલ અન્સારીએ કહ્યું કે કેટલાક લોકો ઈચ્છે છે કે શાંતિ ન રહે જેથી તેઓ સંવાદિતાને ખલેલ પહોંચાડવા માટે દાન મેળવતા રહે. તેની સાથે ઝપાઝપી કરનારાઓ પણ આ જ માનસિકતાના લોકો છે. આવા લોકો સામે અસરકારક કાર્યવાહી થવી જોઈએ. ઈન્ચાર્જ ઈન્સ્પેક્ટર દેવેન્દ્ર પાંડેએ જણાવ્યું કે કેસ નોંધવામાં આવ્યો છે. કાર્યવાહી કરવામાં આવી રહી છે.

વધુ વાંચો : સુપ્રીમ કોર્ટે UP મદરેસા એક્ટ કેસમાં હાઈકોર્ટના નિર્ણય પર લગાવી રોક, સરકારને આપી નોટિસ

ઇકબાલ અંસારી રામનગરી અયોધ્યા માટે સંવાદિતાનું પ્રતિક માનવામાં આવે છે. મંદિર-મસ્જિદ વિવાદ પર સુપ્રીમ કોર્ટના નિર્ણય પછી, ઇકબાલે તેનો સ્વીકાર કર્યો અને મુસ્લિમ પક્ષને પણ નિર્ણયનું સન્માન કરવાની અપીલ કરી. તેઓ નરેન્દ્ર મોદી અને મુખ્યમંત્રી યોગી આદિત્યનાથના કામથી ખૂબ જ પ્રભાવિત છે. ઇકબાલ હંમેશા સંવાદિતાની વાત કરે છે. ગયા વર્ષે રામનગરીમાં પીએમના રોડ શો દરમિયાન ઈકબાલ પણ તેમના પર ફૂલ વરસાવતા જોવા મળ્યા હતા.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો