બેઠક / અયોધ્યાના વિકાસ પર મંથન, ભગવાન રામનો ઉલ્લેખ કરીને PM મોદીએ કરી આ મોટી વાત

• અયોધ્યાાના વિકાસની સમીક્ષા અંગે મોદીની વર્ચ્યુઅલ બેઠક
• યુપીના સીએમ યોગી આદિત્યનાથને જણાવ્યું
• ભાવી પેઢીને અયોધ્યા આવવાની ઈચ્છા થાય તેવું અયોધ્યા બનાવો

અયોધ્યાાના સમગ્ર વિકાસની સમીક્ષા અંગે થયેલી વર્ચ્યુઅલ બેઠક દરમિયાન પીએમ મોદીએ યુપીના સીએમ યોગી આદિત્યનાથને જણાવ્યું કે અયોધ્યા દરેક ભારતીય સંસ્કૃતિની ચેતનાને જાગૃત કરનાર શહેર છે. આ ભારતીય પરંપરા તથા વિકાસની યાત્રાને પ્રદર્શિત કરનાર હોવું જોઈએ. 

અયોધ્યા દરેક ભારતીયનું શહેર છે-પીએમ મોદી 

મોદીએ કહ્યું કે અયોધ્યા સાંસ્કૃતિક અને પ્રભાવશાળી બન્ને છે. અહીં દરેક ભારતીયની સાંસ્કૃતિક ચેતનાને જાગૃત કરનાર શહેર છે. આ ભારતીય પરંપરા તથા વિકાસની યાત્રાને પ્રદર્શિત કરનાર શહેર છે. અહીંની માનવીય પ્રકૃતિને ભવિષ્યની આધારભૂત સંરચના સાથે મેળ ખાવી જોઈએ. આનાથી પ્રવાસીઓ તથા શ્રદ્ધાળુઓ બન્નેને ફાયદો થશે. 

ભગવાન રામનું આપ્યું ઉદાહરણ
ભગવાન રામનો ઉલ્લેખ કરતા પ્રધાનમંત્રીએ કહ્યું કે અયોધ્યાનો વિકાસ એવી રીતે થવો જોઈએ કે આગામી પેઢીઓ પણ જીવનમાં ઓછામાં ઓછી એક વાર અહીં આવવાની ઈચ્છા રાખે. આપણા બધાની સામૂહિક જવાબદારી છે કે અયોધ્યાની સંસ્કૃતિને નવીન રીતે જાળવી રાખવાની આપણી ફરજ છે. ભગવાન રામમાં પણ લાખો લોકોને એકસાથે જાળવી રાખવાની ક્ષમતા હતી. આ રીતે અયોધ્યાયના વિકાસ કામોમાં પણ લોકોની ભાગીદારી હોવી જોઈએ. ખાસ કરીને યુવાનોની પ્રતિભાનો ઉપયોગ કરવો જોઈએ. 

અયોધ્યામાં વિકાસના કાર્યોના ડોક્યુમેન્ટને લઈને  વડાપ્રધાન મોદીની બેઠક યોજાઈ હતી. દોઢ કલાક સુધી આ બેઠકમાં ચર્ચા વિચારણા ચાલી. જેમા વડાપ્રધાન સામે વિકાસના કાર્યોના ડોક્યુમેન્ટ મુકાવામાં આવ્યા હતા. બેઠકમા ઉત્તરપ્રદેશના મુખ્ય મંત્રી યોગી આદિત્યનાથ અને ઉપ મુખ્યમંત્રી કેશવ પ્રસાદ મોર્યા તેમજ ઉપ મુખ્યમંત્રી દિેનેશ શર્માએ પણ હાજરી આપી હતી. 

આ બેઠકમાં બાકીના અન્ય અધિકારીઓ વીડિયો કોન્ફરન્સ દ્વારા જોડાયા હતા. લખનઉમાં આવેલ મુખ્યમંત્રીના આવાસ સ્થાનેથી બાકીના અધિકારીઓ વીડિયો કોન્ફરન્સ દ્વારા જોડાયા હતા. જેમા ડોક્યુમેન્ટ લઈને બધાએ ચર્ચા કરવામાં આવી હતી.

તમામ મંત્રીઓ બેઠકમાં હાજર 

વીડિયો કોન્ફરન્સ દ્વારા યોજાયેલ આ બેઠકમાં વિત્ત મંત્રી સુરેશ ખન્ના, નગર વિકાસ મંત્રી આશુતોષ ટંડન, પર્યટન મંત્રી નીલકંઠ તિવારી. સિંચાઈ મંત્રી મહેન્દ્ર સિંહ અને અયોધ્યા વિકાસ પ્રાધિકારણના ઉપાધ્યક્ષ વિશાલ સિંહ પણ જોડાયા હતા. આ ઉપરાંત ચીફ સેક્રેટરી, પર્યટન વિભાગના પ્રમુખ સચિવ, નગર વિકાસના મુખ્ય સચિવ સહિત બીજા અન્ય વિભાગના અધિકારીઓ પણ જોડાયા હતા. 

30 વર્ષ સુધીની યોજનાઓ જોવામાં આવી 

ઉલ્લેખનીય છે કે અયોધ્યાના વિકાસને લઈને જે યોજનાઓ બનાવામાં આવી છે તે યોજનાઓ 100 વર્ષની જરૂરીયાતોને ધ્યાનમાં રાખીને બનાવામાં આવી છે. જોકે વડાપ્રધાન દ્વારા માત્ર 30 વર્ષ સુધીની યોજનાઓ જોવામાં આવી હતી. અયોધ્યાના વિકાાસ માટે 20 હજાર કરોડનાો પ્રોજેકટ બનાવામાં આવ્યો છે અને એજ પ્રોજેક્ટો પણ વડાપ્રધાને અધિકારીઓ સાથે ચર્ચા કરી હતી.