ટિપ્સ / કોરોના થયો હતો? જહેમત ભર્યું કામ કરવાનું ટાળજો, હાર્ટ એટેકનો સૌથી વધુ ખતરો મંડરાયો, જાણો કેવી રીતે ઓછા રિસ્કમાં કરવું કામ

• હાર્ટ એટેકના કિસ્સાઓએ પણ કોરોના જેવો જ ડર
• મનસુખ માંડવિયાએ પણ કહ્યું જે જે લોકોને કોવિડ થયો છે તે...
• કાર્ડિયોલોજિસ્ટ ડૉ. નિત્યાનંદ ત્રિપાઠીએ જણાવ્યા કારણો અને ઉપાય

ગુજરાતમાં કોરોનાના કહેર બાદ હવે હાર્ટ એટેકના કિસ્સાઓએ પણ કોરોના જેવો જ ડર પેદા કર્યો છે. યુવાનોમાં હાલતા-ચાલતા હાર્ટ એટેક આવી રહ્યા છે અને યુવાનોના મોત થઈ રહ્યા છે. આવી સ્થિતિ વચ્ચે મેડિકલ આલમ પણ ચિંતામાં છે જોકે હજુ હાર્ટ એટેકનું કારણ જાણી શકાયુ નથી. સ્વાસ્થ્ય મંત્રી મનસુખ માંડવિયાએ પણ કહ્યું જે જે લોકોને કોવિડ થયો છે તેઓએ બે-ત્રણ વર્ષ સુધી સખત મહેનત કરવાનું ટાળવું જોઈએ. કારણ કે કોવિડના દર્દીઓના હૃદયની ક્ષમતા પર અસર થઈ છે. જેથી સતર્ક રહેવું જોઈએ.

કોવિડ વાયરસને લીધે ધમનીઓને ચેપ

આ મામલે હોસ્પિટલના પ્રખ્યાત કાર્ડિયોલોજિસ્ટ ડૉ. નિત્યાનંદ ત્રિપાઠીના જણાવાયા અનુસાર મોટાભાગના લોકો કોરોનાથી પ્રભાવિત થયા છે. હવે જો તમે અચાનક સખત મહેનત કરો છો અથવા ડાન્સ કરો તો પ્રતિકૂળ અસર થઈ શકે તેમ છે. બીજી બાજુ નેચર કાર્ડિયોલોજી જર્નલમાં પ્રકાશિત અહેવાલ અનુસાર, સંશોધનમાં જાણવા મળ્યું છે કે કોવિડ વાયરસને લીધે ધમનીઓને ચેપ લગાડે છે અને એથરોસ્ક્લેરોટિક પ્લેકમાં બળતરા વધારે છે. 

ગંદા કોલેસ્ટ્રોલ જે ધમનીઓમાં જમા થાય છે. પરીણામે એટેકની સમસ્યા વધે છે. ડૉ. નિત્યાનંદ ત્રિપાઠીએ કહ્યું કે દુનિયાની મોટાભાગની વસ્તી કોરોનાથી પ્રભાવિત થઈ છે. પરંતું માત્ર કોરોના જ નહીં પરંતુ દરેક વ્યક્તિએ પોતાને હાર્ટ એટેક અને સ્ટ્રોકના જોખમથી બચવા સતર્ક રહેવું જોઈએ. સ્વસ્થ વ્યક્તિએ પણ મુશ્કેલથી કસરત ન કરવી જોઈએ. લાંબા સમય સુધી સખત ડાન્સ ન કરો. વધુમાં શરીરને કષ્ટ પડે તેવું કામ તાત્કાલિક ન કરવું જોઈએ.

એટેક અને સ્ટોક સહિતના રોગને ઉઘાડુ આમંત્રણ
યુબાઓમાં બિનઆરોગ્યપ્રદ આહારની આદતોને લીધે ધમનીઓમાં ગંદા કોલેસ્ટ્રોલથી બનેલો ચીકણો પદાર્થ જમા થતો હોય છે. જો ધમનીઓમાં 70 ટકા સુધી તકતી હોય તો જ તે શોધી શકાય છે. તેથી, હાર્ટ એટેક અથવા સ્ટ્રોક વિશે હંમેશા સાવચેત રહેવું વધુ સારું છે. અચાનક શરીરને કષ્ટ પડતા ધમનીમાંની તકતી તૂટી જાય છે જે લોહીના ગંઠાવાનું નિર્માણ તરફ દોરી જાય છે અને આ અચાનક લોહીના પ્રવાહને અસર કરે છે. જેને લઈને એટેક અને સ્ટોક સહિતના રોગને ઉઘાડુ આમંત્રણ મળે છે.

• ધીમે ધીમેં કસરત કરવી
• પ્રથમ ધીમે ધીમે શરીરને કસરત માટે વિકાસ કરો
• કસરત માટે વધુ પડતા એનર્જી ડ્રિંકનો ઉપયોગ ન કરો.
•  સ્વસ્થ આહાર લો. આ માટે મોસમી લીલા પાંદડાવાળા શાકભાજી, તાજા ફળો, સૂકા ફળો, માછલી, બીજ વગેરેનું નિયમિત સેવન કરવું જોઈએ.
• સિગારેટ અને દારૂ, જંક ફૂડ, પ્રોસેસ્ડ ફૂડ, ફાસ્ટ ફૂડ, વધુ પડતા તળેલા ખોરાક વગેરેનું સેવન ન કરવું જોઈએ.

હાર્ટ ફેલિયરના સંકેત 
હાર્ટ બિટ વધવી 
જ્યારે હાર્ટ જોર જોરથી ધડકવાનું શરૂ કરી દે છે ત્યારે તેને હાર્ટ ફેલિયરનું એલર્ટ માનવું જોઈએ. તેને બિલકુલ ઈગ્નોર ન કરો. 

શ્વાસ લેવામાં મુશ્કેલી
શ્વાસ લેવા સાથે જોડાયેલી સમસ્યાઓ પણ હાર્ટ ફેલિયરનું એક મોટુ લક્ષણ માનવામાં આવે છે. જ્યારે તમારૂ શરીર સારી રીતે એક્ટિવ નથી હોતું તો શ્વાસ લેવામાં મુશ્કેલી આવી શકે છે. તેને ગંભીરતાથી લેવું જોઈએ. નહીં તો સ્થિતિ બગડી શકે છે. 

ગળામાં ખીચ ખીચ 
શ્વાસ અને ગળામાં ખીચ ખીચની સમસ્યા લાંબા સમય સુધી થવા પર અથવા ક્યારેક ખાંસીની સાથે સફેદ કે હલ્કા લાલ ગળફા આવવા પર હાર્ટ ફેલિયરનો સંકેત હોઈ શકે છે. તરત ડોક્ટરનો સંપર્ક કરો. 

વજન વધવું 
જો અચાનર શરીરનું વજન વધવા લાગે અથવા શરીરના અમુક અંગોમાં સોજાની સમસ્યા જોવા મળે તો સાવધાન રહેવું જોઈએ. કારણ કે પગ, ઘુંટણ અથવા પેટમાં સોજાની સમસ્યા હાર્ટ ફેલિયરના સંકેત હોઈ શકે છે. 

ખૂબ થાક લાગવો 
જ્યારે હાર્ટ યોગ્ય રીતે બ્લડ પંપ નથી કરતું તે બ્રેઈન સુધી બ્લડનું સપ્લાય યોગ્ય રીતે નથી થતું. એવામાં હાથ પગ કમજોર પડી શકે છે. ગંભીર સ્થિતિમાં સીડિયો ચડવા ઉતરવામાં પણ થાક અનુભવાય છે. એવામાં એલર્ટ થઈ જાઓ.