હોનારત ટળી / વલસાડમાં પાટાં પર સિમેન્ટનો થાંભલો મૂકી અગસ્તક્રાંતિ એક્સપ્રેસને ઉથલાવવાનું કાવતરું, ટ્રેન અથડાઇ પછી...

• વલસાડ અને અતુલ વચ્ચે મોટી ટ્રેન દુર્ઘટના ટળી  
• ટિકળખોરોએ રેલવે ટ્રેક ઉપર સિમેન્ટનો થાંભલો મુક્યો 
• અગસ્તક્રાંતિ એક્સપ્રેસ થાંભલા ઉપરથી પસાર થઈ  

Gujarat | FIR has been registered against an unidentified person for placing a cement pole on the railway track near Atul Railway Station in the Valsad district: Manoj Singh Chavda, Superintendent of Police, Valsad, Gujarat pic.twitter.com/YIZ1sZiKlr

— ANI (@ANI) January 15, 2022

બનાવની જાણ થતા જ સુરત રેન્જ DG સહિતનો કાફલો ઘટનાસ્થળે પહોંચ્યો  

વલસાડના અતુલ રેલવે સ્ટેશન પાસે  કેટલાક ટિકળખોરોએ  સિમેન્ટનો પોલ રેલવે ટ્રેક ઉપર મૂકીને ટ્રેનને ઉથલાવવાનો પ્રયાસ કર્યો હતો. આ ઘટનાની જાણ થતા જ રેલવે અધિકારી, સુરત રેન્જ DG સહિત વલસાડ પોલીસ અને રેલવેની GRP અને RPF સહિતનો પોલીસ કાફલો ઘટનાસ્થળે પહોંચ્યો હતો. આ ઘટનાને પગલે રાજધાની બાદની તમામ ટ્રેનને 5 મિનિટ લેટ કરવામાં આવી હતી. ઉલ્લેખનીય છે કે, આ ઘટનામાં ટ્રેન સહિત તમામ યાત્રિકો સુરક્ષિત છે.

ટિકળખોરોએ રેલવે ટ્રેક ઉપર સિમેન્ટનો થાંભલો મુક્યો  

શુક્રવારે વલસાડ અને અતુલ રેલ્વે સ્ટેશન વચ્ચે મોટી ટ્રેન દુર્ઘટના થતા ટળી હતી.અતુલ રેલ્વે સ્ટેશન નજીક કેટલાક ટિકળખોરોએ રેલ્વે ટ્રેક ઉપર સિમેન્ટ નો પિલર મૂક્યો હતો. આ દરમિયાન અગસ્ત ક્રાંતિ ટ્રેન પસાર થઈ હતી. દરમિયાન આ પિલર ટ્રેનના એન્જિન સાથે અથડાતા દુર ફેંકાઈ ગયો હતો. આ મામલે ટ્રેનના ચાલક એ તાત્કાલિક અતુલ રેલ્વે સ્ટેશન માસ્ટરને જાણ કરતા દોડધામ મચી ગઈ હતી. રેલ્વે પોલીસ સહિત વલસાડ જિલ્લા પોલીસનો કાફલો સ્થળ ઉપર ધસી આવ્યો હતો અને મામલાની ગંભીરતા જોતા ખુદ સુરત રેન્જ આઇ.જી પણ સ્થળ ઉપર પોહચ્યા હતા.ઘટના સ્થળનું નીરક્ષણ કર્યું હતું અને એફ.એસ. એલ સહિત ડોગ સ્કવોડ ને પણ બોલાવીને તપાસનો ધમધમાટ શરૂ કર્યો હતો.

ઘટના બાદ પોલીસે જુદી જુદી ટીમો બનાવી કાર્યવાહી હાથ ધરી 

આ ઘટના બાદ પોલીસે જુદી જુદી ટીમો બનાવીને નજીકમાં રહેતા લોકોની પૂછપરછ શરૂ કરી છે. તેમજ રેલ્વે સ્ટેશનના ગુડ્સ ટ્રેન લાઈનના ચાલી રહેલા કામ ઉપર કામ કરતા કામદારોની પણ પૂછપરછ શરૂ કરી છે. સદનસીબે ટ્રેનના એન્જિન સાથે અથડાઈ ને પિલર ફેંકાઈ ગયો હતો.પરંતુ જો પિલર મજબૂત અને વજનદાર હોત તો ખુબજ મોટી દુર્ઘટના બનવાની પુરે પુરી શક્યતા હતી. ત્યારે હાલ તંત્ર અને પોલીસ અધિકારીઓ પિલર મૂકનાર ને શોધવા માટે તડામાર પ્રયત્નો કરી રહ્યા છે.