કાર્યવાહી / તહેવાર નજીક આવતા આરોગ્ય વિભાગનો સપાટો: અમદાવાદ સુરત અને વડોદરામાં ફરસાણની દુકાનોમાં રેડ, વેપારીઓમાં ફફડાટ

• દશેરાનો તહેવાર નજીક આવતા વડોદરામાં આરોગ્ય વિભાગનાં દરોડા
• તેલનાં વેપારીઓને ત્યાં ફ્રૂડ વિભાગ દ્વારા આકસ્મિક ચેકીંગ હાથ ધર્યું
• સુરતમાં માવાના વેપારીઓના ત્યાં આરોગ્ય વિભાગના દરોડા

લોકો ફાફડા જલેબી આરોગી જશે પછી આવશે સેમ્પલના રિપોર્ટ
દશેરાનો તહેવાર નજીક આવતા વડોદરામાં આરોગ્ય વિભાગ દ્વારા ફાફડા બનાવવા વાપરવામાં આવતા તેલની તપાસ હાથ ધરી છે.  ફરસાણનાં વેપારીઓ પાસે તેલ પહોંચે તે પહેલા તેલનાં સેમ્પલ લેવામાં આવ્યા છે.  વડોદરામાં હાથીખાના, ચોખંડી અને બરાનપુરા વિસ્તારમાં આરોગ્ય વિભાગ દ્વારા ઓચિંતું ચેકીંગ હાથ ધરવામાં આવ્યું હતું. આરોગ્ય વિભાગ દ્વારા તેલનાં હોલસેલ વેપારીઓને ત્યાંથી સેમ્પલ લીધા હતા. જેનો સેમ્પલનો રિપોર્ટ એક અઠવાડીયા પછી આવશે. લોકો ફાફડા જલેબી આરોગી જશે તે બાદ સેમ્પલનો રિપોર્ટ આવશે. ત્યારે આરોગ્ય વિભાગ દ્વારા દિવાળી સુધી કામગીરી કરવામાં આવશે. 

માવાના વેપારીઓના ત્યાંથી સેમ્પલો લેવામાં આવ્યા
સુરતમાં માવાનાં વેપારીઓનાં ત્યાં આરોગ્ય વિભાગ દ્વારા દરોડા પાડવામાં આવ્યા હતા. ભાગળ સહિતનાં વિસ્તારોમાં આવેલા માવાનાં વેપારીઓને ત્યાં તપાસ હાથ ધરવામાં આવી હતી. ચંડી પડવાનાં પર્વને લઈ આરોગ્ય અને ફ્રૂડ વિભાગ દ્વારા તપાસ હાથ ધરવામાં આવતા માવાનાં વેપારીઓમાં દોડાદોડી થઈ જવા પામી હતી.  ત્યારે ઘારીમાં વપરાતા હલકી કક્ષાનાં માવાનો ઉપયોગ થતો હોવાની ફરિયાદનાં પગલે આરોગ્ય વિભાગ તેમજ ફ્રૂડ વિભાગ દ્વારા સંયુક્ત રેડ કરવામાં આવી છે.  માવાનાં વેપારીઓને ત્યાંથી સેમ્પલો લઈ તપાસ અર્થે પાલિકાની પબ્લિક હેલ્થ લેબોરેટરીમાં મોકલાશે. અને જો લેબ ટેસ્ટિંગ સેમ્પલ પેલ જણાશે તો કસુરવાર વેપારીઓ સામે કાર્યવાહી થશે. ફ્રૂડ વિભાગ દ્વારા જણાવ્યું હતું. 

એક જ તેલમાંથી વારંવાર ફરસાણ તળતા વેપારીને ત્યાંથી સેમ્પલ લીધા
અમદાવાદમાં તહેવાર દરમ્યાન ફ્રૂડ વિભાગ દ્વારા આકસ્મિક શહેરમાં વિવિધ વિસ્તારમાં ફરસાણ-મીઠાઈનાં વિક્રેતાઓે ત્યાં ચેકીંગ હાથ ધર્યું હતું. સરખેજમાં આવેલી ફરસાણ બનાવતી કંપનીને ત્યાં દરોડા પડ્યા હતા. ફ્રૂડ વિભાગે ફરસાણ ખાદ્ય પદાર્થનાં વેપારીઓ જેઓ એક જ તેલમાં વારંવાર ફરસાણ બનાવતા વિક્રેતાઓને ત્યાંથી સેમ્પલ પણ લેવામાં આવ્યા હતા.