- કંગના રનૌત સોશિયલ મીડિયા પર ઘણી એક્ટિવ રહે છે
- ઇન્સ્ટા સ્ટોરી પર 'નેપો (નેપોટિઝમ) ગેંગ' માટે એક લાંબી પોસ્ટ લખી
- આ પોસ્ટ ફિલ્મ 'રોકી ઔર રાની કી પ્રેમ કહાની'ની રિલીઝના દિવસે શેર કરી
બોલિવૂડ એક્ટ્રેસ કંગના રનૌત સોશિયલ મીડિયા પર ઘણી એક્ટિવ રહે છે એવાં આહલ તેને ઈન્સ્ટાગ્રામ પર એક સ્ટોરી શેર કરી છે, જે વાયરલ થઈ છે. એ વાત રો નોંધનીય છે કે અગાઉના દિવસે અભિનેત્રીએ તેની ઇન્સ્ટા સ્ટોરી પર 'નેપો (નેપોટિઝમ) ગેંગ' માટે એક લાંબી પોસ્ટ લખી હતી. એવી જ એક પોસ્ટ તેને ફરી લખી છે પણ આ પોસ્ટને કરણ જોહર સાથે જોડવામાં આવી રહી છે. જોકે કંગનાએ પોતાની પોસ્ટમાં કોઈનું નામ નથી લીધું પરંતુ, કંગનાએ આ પોસ્ટ ફિલ્મ 'રોકી ઔર રાની કી પ્રેમ કહાની'ની રિલીઝના દિવસે શેર કરી છે.
શું છે કંગના રનૌતની ઇન્સ્ટા સ્ટોરી
કંગના રનૌતે તેની ઇન્સ્ટા સ્ટોરીમાં લખ્યું છે કે, 'સવારથી મારા વિશે એક પણ પાયાવિહોણા નેગેટિવ સમાચાર આવ્યા નથી, મારા ફેક ક્વોટ્સ પણ મીડિયાને સામૂહિક રીતે મેઇલ કરવામાં આવ્યા નથી, અથવા નકારાત્મક અને નુકસાનકારક અફવાઓ નથી કે મને કોઈ પણ રીતે સેક્સ્યુઅલાઈઝ કરીને હેરાન કરવામાં નથી આવી રહી. ઇતના સન્નટા કયુ હૈ?શું લંકામાં આગ લાગી છે?કોઈ શોધે કે નેપો ગેંગ આજે ક્યાં વ્યસ્ત છે?'
ઈમરજન્સીમાં જોવા મળશે
નોંધપાત્ર વાત એ છે કે આ પહેલીવાર નથી જ્યારે કંગના રનૌતે સ્ટાર કિડ્સ કે કરણ જોહર પર કટાક્ષ કર્યો હોય. કંગના રનૌતે નામ લીધા વગર અનેકવાર અને ઘણી વખત નામ લીધા વગર હુમલો કર્યો છે. કંગના રનૌત ઘણીવાર સ્ટાર કિડ્સને પણ ટોણો મારતી હોય છે.તમને જણાવી દઈએ કે કંગના રનૌતની આગામી ફિલ્મ ઈમરજન્સી છે, આ ફિલ્મમાં કંગના ઈન્દિરા ગાંધીના રોલમાં જોવા મળશે અને ફિલ્મનું નિર્દેશન પણ કરી રહી છે.
કંગનાની પોસ્ટને કરણ જોહર સાથે કેવી રીતે જોડવામાં આવી?
કંગના અને કરણ જોહરે છેલ્લા કેટલાક વર્ષોમાં એકબીજા પર ઘણી ટિપ્પણીઓ કરી છે. આ બધું કોફી વિથ કરણ પર શરૂ થયું, જ્યાં કંગનાએ કરણને નેપોટીઝમ માટે દોષી ઠેરવ્યો. આ પછી જ કંગના અને કરણ વચ્ચે ક્યારેય ન સમાપ્ત થવાનો ઝઘડો શરૂ થયો છે.
