સાબરકાંઠા / ઈડર તાલુકાના રતનપુર ગામમાં રખડતા શ્વાનનો આંતક, 14 જેટલા લોકોને બચકાં ભરી લઈ લીધા લોચા, ભયનો માહોલ

• ઈડર તાલુકાના રતનપુર ગામમાં રખડતા શ્વાનનો આંતક
• રખડતો શ્વાન હડકાયું થતા 14 જેટલા લોકોને બચકા ભર્યા
• રખડતા શ્વાનને લઈને સ્થાનિક લોકોમાં ભયનો માહોલ

Sabarkantha news : ગુજરાતમાં રખડતા ઢોરની સાથે જ રખડતા શ્વાનનો આતંક સતત વધી રહ્યો છે. રખડતા શ્વાન લોકોને પરેશાન કરી રહ્યા છે. હાલમાં સાબરકાંઠાના ઈડરના રતનપુરમાં રખડતા શ્વાનનો આતંક વધતો જોવા મળી રહ્યો છે. રખડતો શ્વાન હડકાયું થતાં અનેક લોકોને બચકા ભરતા સ્થાનિકોમાં ફફડાટ ફેલાયો છે. રખડતા શ્વાનના આતંકથી લોકો ઘરની બાહર જવાનું ડાળી રહ્યું છે

રતનપુર ગામ રખડતા શ્વાનનો આંતક
સાબરકાંઠાના ઈડર તાલુકાના રતનપુર ગામમાં રખડતા શ્વાનનો આંતક સામે આવ્યું છે. રતનપુરમાં શ્વાન હડકાયું થતા 14 જેટલા લોકોને બચકા ભરી ગંભીર ઈજાઓ પહોંચાડી છે. જે શ્વાનને લઈને સ્થાનિક લોકોમાં ભયનો માહોલ છવાયો છે. એકસાથે 14 લોકોને બચકા ભરતા લોકો ચિંતામાં મુકાયા છે. તમામ ઈજાગ્રસ્તોએ સારવાર  અર્થે હોસ્પિટલમાં ખસેડવામાં આવ્યા છે.

ઇજા પામેલા લોકો
પટેલ મંગુબેન બેચરભાઈ
પટેલ લીલાબેન ભીખાભાઈ
પટેલ પ્રેમીલાબેન હેમંતભાઈ
રાજીબેન હીરાભાઈ
પટેલ ભીખીબેન અમૃતભાઈ
વણકર રમીલાબેન
ખાનાભાઈ માધાભાઈ
તેમજ અન્ય 5થી વધુ લોકો ગંભીર ઇજાઓ પહોંચાડી

શ્વાન કરડે તો હડકવાવિરોધી રસી લેવી ખૂબ જ જરૂરી
આપને જણાવી દઈએ કે, વેટરનરી સર્જનએ જણાવ્યું કે હડકવા ખૂબ જ ગંભીર રોગ છે. તેના પ્રિવેન્શન માટે જ શ્વાન કરડ્યા બાદ એન્ટી રેબિઝ ઇન્જેક્શન લેવાના હોય છે. જો તકેદારી નહીં લેવાય અને જો એકવાર હડકવા થાય તો પછી સારવાર શક્ય નથી. હડકવા વાઈરસ મગજમાં કેન્દ્રીય ચેતાતંત્રને ચેપ લગાડે છે અને મગજને અસર પહોંચાડે છે. એટલે શ્વાન કરડી જાય તો તાત્કાલિક હડકવાવિરોધી રસી લેવી ખૂબ જ જરૂરી છે. આ રસી તમામ હોસ્પિટલો અને આરોગ્ય કેન્દ્રોમાં સરળતાથી મળી રહે છે.

શ્વાન કરડે તો શું કરવું?
વેટરનરી તબીબ જણાવે છે કે, જો કોઈને કુતરુ કરડે છે, તો સૌથી પહેલા નળમાં પાણી ચાલુ કરો અને જ્યાં કૂતરુ કરડ્યું હોય તે જગ્યાને પાણીથી ધોઈ નાખો. તેનાથી લોહી બંધ થશે. કૂતરું કરડ્યા બાદ જે વાયરસ શરીરમાં પ્રવેશે છે તે પાણીને કારણે બહાર આવશે. થોડીવાર પછી એ જગ્યાને સાબુ અને પાણીથી ધોઈ લો. લોહીને બહાર આવવા દો. આવું 15-20 મિનિટ કરો. સ્વચ્છ કપડાથી સાફ કરો અને કોઈપણ પ્રકારનું ક્રીમ ન લગાવો. જે બાદ નજીકના ડૉક્ટર અથવા આરોગ્ય કેન્દ્રની સીધી મુલાકાત લો. શ્વાન કરાડ્યા બાદ રસી લેવી ખૂબ જ જરૂરી છે.