- પેરાલિસિસના કારણે ચર્ચામાં જસ્ટિન
- ફેન્સ જલ્દી સાજા થવાની કરી રહ્યા પ્રાર્થના
- જસ્ટિને રદ્દ કર્યો US પ્રવાસ
દુનિયાના ફેમસ પોપ સિંગર જસ્ટિન બીબરે થોડા સમય પહેલા જ પોતાની બીમારી વિશે જણાવ્યું હતું. જેને સાંભળીને ફેન્સને મોટો ઝટકો લાગ્યો હતો. બીબરને જણાવ્યું હતું કે તેના ચહેરા પર રામસે હંટ સિંડ્રોમ વાયરસે અટેક કર્યું છે. જેના કારણે તેનો ચહેરો પેરેલાઈઝ્ડ થઈ ગયો છે.
આ ખબરને સાંભળતા જ તેમના ફેન્સનું દિલ તૂટી ગયુ અને લોકો તેમને જલ્દી ઠીક થવાની દુવા આપવા લાગ્યા. આ વચ્ચે પોપ સ્ટાર જસ્ટિન બીબરે પોતાના અમેરિકા ટૂરને લઈને ખુલાસો કર્યો છે. આ ખબર તેમના ફેન્સને નિરાશ કરી શકે છે.
યુએસ ટૂર કરી રદ્દ
પોપ સિંગર જસ્ટિન બીબરે પોતાના આગામી અમેરિકી પ્રવાસને સ્થગિત કરવાનો નિર્ણય કર્યો છે. બીબરનો પ્રવાસ જૂન-જુલાઈમાં નક્કી કરવામાં આવ્યો હતો. બીબરે પોતાની ટ્રીટમેન્ટના કારણે નિર્ણય કર્યો છે. જસ્ટિન બીબરે મિલ્વૌકી અને વિસ્કોન્સિનમાં સમરફેસ્ટ સંગીત સમારોહ સહિત અમેરિકામાં ઘણી જગ્યા પર પોતાના પ્રવાસને કેન્સલ કર્યો છે.
તેમણે ટૂર પ્રમોટના એક નિવેદનમાં શેર કરતા જણાવ્યું, 'જસ્ટિનને સારી ટ્રીટમેન્ટ આપવામાં આવી રહી છે. અમે તેમના ઠીક થવાને લઈને ઉત્સાહિત છીએ. સમરના અંતે જસ્ટિન બીબર દુનિયાભરમાં પોતાના પ્રસંશકો માટે જોરદાર પરફોર્મ કરવા માટે તૈયાર છે.'
માહિતી અનુસાર જસ્ટિન બીબર 31 જુલાઈથી પોતાના આંતરરાષ્ટ્રીય પ્રવાસને શરૂ કરી શકે છે. જોકે આ વિશે કોઈ પુષ્ટિ નથી કરવામાં આવી.
જસ્ટિને શેર કરી હતી પોતાની બિમારીની વાત
તમને જણાવી દઈએ કે હાલમાં જ પોતાના ઈન્સ્ટાગ્રામ પર જસ્ટિન બીબરે એક વીડિયો શેર કર્યો હતો. જેમાં તેણે જણાવ્યું હતું કે તે રામસે હંટ સિંડ્રોમ નામની બીમારીથી પીડિત છે. તેણે જણાવ્યું કે જેના કારણે તેનો ચહેરો પેરેલાઈઝ થઈ ગયો છે.
