રાજકીય / રાષ્ટ્રપતિ ચૂંટણી જાહેર થયા બાદ આ વ્યક્તિનું નામ ટ્વિટર પર થઈ રહ્યું છે ટ્રેન્ડ, AAP નેતાના ટ્વિટથી વધ્યું સસ્પેન્સ

• રાષ્ટ્રપતિ ચૂંટણી જાહેર થઈ
• ટ્વિટર પર ટ્રેન્ડ થઈ રહ્યું છે કેરળના રાજ્યપાલનું નામ
• સરકાર બનાવી શકે આરિફ મોહમ્મદ ખાનને રાષ્ટ્રપતિ

 ભારતીય ચૂંટણી પંચે ગુરુવારે રાષ્ટ્રપતિ ચૂંટણીની તારીખોની જાહેરાત કરી છે. આ મુજબ આગામી પ્રમુખની ચૂંટણી માટે 18 જુલાઈએ ચૂંટણી યોજાશે અને મતગણતરી 21 જુલાઈએ યોજાશે. વર્તમાન રાષ્ટ્રપતિ રામનાથ કોવિંદનો કાર્યકાળ 24 જુલાઈએ સમાપ્ત થવાનો છે. આવી સ્થિતિમાં, એવું અનુમાન લગાવવામાં આવી રહ્યું છે કે દેશના નવા રાષ્ટ્રપતિ કોણ હશે? રાજકીય કોરિડોરમાં કેરળના રાજ્યપાલ આરિફ મોહમ્મદ ખાનનું નામ ખૂબ ચર્ચામાં છે

આરિફ મોહમ્મદ ખાન ટ્વિટર પર ટ્રેન્ડ થઈ રહ્યાં છે 

આરિફ મોહમ્મદ ખાન ખાસ કરીને મુસ્લિમો સાથે જોડાયેલા મુદ્દાઓ પર ખુલીને બોલી રહ્યાં છે. તેઓ તાજેતરના પયગમ્બર વિવાદ પછી ટ્વિટર પર ટ્રેન્ડ કરી રહ્યા છે. તેમણે જાહેરમાં માફી માંગવાની કતારની માંગને નોંધપાત્ર ન ગણાવીને ફગાવી દીધી હતી. તેમણે કહ્યું કે લોકોએ વડા પ્રધાન અને આરએસએસ તરફ ધ્યાન આપવું જોઈએ જેમણે ભારતની સર્વસમાવેશકતાની પરંપરાને મજબૂત બનાવવાની અપીલ કરી છે.

Learnt from a credible source that Janab Arif Mohammad Khan, present Governor of Kerala, is a strong contender for president of India. It's believable in view of steps .@narendramodi Ji is taking to counter anti-India narrative, getting built across the world because of fringies.

— Adv. Somnath Bharti: इंसानियत से बड़ा कुछ नहीं! (@attorneybharti) June 9, 2022

આપ નેતા સોમનાથ ભારતીએ કર્યું ટ્વિટ
આપ નેતા સોમનાથ ભારતીના એક ટ્વિટથી ચર્ચાને ગતિ મળી છે. ભારતીએ ટ્વિટમાં લખ્યું કે વિશ્વસનીય સૂત્રો પાસેથી જાણવા મળ્યું છે કેરળના હાલના રાજ્યપાલ આરિફ મોહમ્મદ ખાન રાષ્ટ્રપતિ પદના મજબૂત ઉમેદવાર છે. તાજેતરમાં મુસ્લિમ વિરોધી ભારતની જે છાપ સર્જાઈ છે તેને ખાળવા માટે પીએમ મોદી તેમને રાષ્ટ્રપતિ પદના ઉમેદવાર જાહેર કરી શકે છે. 

ટ્વિટર પર આ નામોની પણ ચર્ચા
ટ્વિટર પર રાષ્ટ્રપતિના જે નામોની ચર્ચા ચાલી રહી છે તેમાં ઝારખંડના પહેલા મહિલા રાજ્યપાલ દ્રોપદી મુર્મૂ, છત્તીસગઢના રાજ્યપાલ અનુસુઈયા ઉઈકે સામેલ છે. 

કોણ છે  આરિફ મોહમ્મદ ખાન 
 આરિફ મોહમ્મદ ખાન એક મોટો વિદ્વાન છે. કેરળના રાજ્યપાલ આરિફ મોહમ્મદ ખાનને લાંબો રાજકીય અનુભવ છે. શાહબાનો કેસમાં સરકારની કાર્યવાહી સાથે અસહમત થયા બાદ 1986 માં રાજીવ ગાંધી સરકારમાં મંત્રીપદેથી રાજીનામું આપ્યા બાદ આરિફ મોહમ્મદ ખાને મુસ્લિમોમાં પ્રગતિશીલ ચહેરા તરીકે નામના મેળવી હતી. આરિફ મોહમ્મદ ખાન ટ્રિપલ તલાકને નાબૂદ કરવાના અવાજના હિમાયતી હતા. આરીફ મોહમ્મદે પણ મોદી સરકારની નીતિઓના અનેક પ્રસંગોએ વખાણ કર્યા છે.

પીએમ મોદી સાથે પણ સારા સંબંધો
કેરળના રાજ્યપાલ ખાન પીએમ મોદી સાથે પણ સારા સંબંધો ધરાવતા હોવાનું કહેવાય છે. તેઓ અવારનવાર પીએમ મોદીને મળતા રહે છે. આ પ્રસંગની ઘણી તસવીરો પણ જોવા મળી હતી.