વોર્નિંગ / શું તમે પણ આ 2 બ્રાઉઝર યુઝ કરી રહ્યાં છો? તો થઇ શકો છો હેકિંગના શિકાર, સરકારે કર્યા એલર્ટ!

• CERT-Inએ આ બ્રાઉઝરના યુઝર્સ માટે એક વોર્નિંગ બહાર પાડી 
• ગૂગલ ક્રોમ અને માઇક્રોસોફ્ટ એજ બ્રાઉઝર્સમાં બગ વિશે ચેતવણી જારી કરી 
• આ કારણે યુઝર્સના સેન્સિટિવ ડેટા ચોરી કરી થઈ શકે છે

સ્માર્ટફોનનો ઉપયોગ ફક્ત ફોન કે મેસેજ કરવા માટે નહીં પરંતુ બીજા ઘણા કામો માટે પણ થઈ રહ્યો છે.  ફોન આપણા જીવનનો એક ખાસ હિસ્સો બની ગયો છે અને આ કારણે હેકર્સની નજર પણ તેના પર રહે છે. એવામાં હાલ CERT-In એટલે કે કમ્પ્યુટર ઇમરજન્સી રિસ્પોન્સ ટીમે Google Chrome અને Microsoft Edge યુઝર્સ માટે એક વોર્નિંગ બહાર પાડી છે. 

તાજેતરમાં CERT-In એ સેમસંગના યુઝર્સ માટે ચેતવણી જારી કરી હતી, જેના થોડા દિવસો પછી હવે CERT-In એ ગૂગલ ક્રોમ અને માઇક્રોસોફ્ટ એજ બ્રાઉઝર્સમાં બગ વિશે ચેતવણી જારી કરી છે, જેના કારણે યુઝર્સના સેન્સિટિવ ડેટા ચોરી કરી થઈ શકે છે. 

એટલે જો તમે પણ Google Chrome અને Microsoft Edgeનો ઉપયોગ કરી રહ્યા છો તો આ સરકારી એજન્સીની ચેતવણી તમારા માટે છે. CERT-In ઈન્ટરનેટ અને સાઇબર સિક્યોરીટીથી જોડાયેલ મુદ્દા પર સમયાંતરે વોર્નિંગ જારી કરતું રહે છે. CERT-In વેબસાઇટ અનુસાર, "હેકર્સ દ્વારા સંવેદનશીલ માહિતી મેળવવા અને તેના ટાર્ગેટ ડિવાઇસ પર તેનો કોડ ઇન્જેક્ટ કરવા માટે આનો ઉપયોગ કરી શકાય છે."

આ વોર્નિંગ સાથે જ તરત જ અપડેટ રિલીઝ કરવાની સલાહ આપી છે. વોર્નિંગ અનુસાર Google Chrome વર્ઝન પર 120.0.6099.62/.63 કરતાં પહેલાંના વર્ઝનનો ઉપયોગ કરનાર લોકોના ડેટા માટે રિસ્ક છે. Microsoft Edge બ્રાઉઝર વર્ઝન 120.0.2210.61 કરતાં જૂના વર્ઝનનો ઉપયોગ કરનાર લોકોના ડેટા પણ જોખમમાં છે.