- સંગીતને ભગવાનના આર્શિવાદ માનવામાં આવે છે
- જામનગરમાં રહેતો 13 વર્ષનો ભવ્ય પણ છોટે એ.આર. રહેમાન તરીકે ફેમસ
- પાંચ વર્ષનો હતો ત્યારથી જ તેને સંગીત પ્રત્યે લગાવ થઇ ગયો
કહેવાય છે કે સંગીતની મદદથી જ ભગવાન સુધી પહોંચી શકાય છે. એટલું જ઼ નહીં જીવનમાં કોઈપણ એક વાદ્ય વગાડતાં તો આવડવું જ઼ જોઈએ. સંગીતને ભગવાનનો આર્શિવાદ માનવામાં આવે છે. આપણા દેશમાં મ્યુઝિક કમ્પોઝરની વાત આવે એટલે સૌથી ઉપર એ.આર. રહેમાનનું નામ આવે છે. પરંતુ તમને જાણીને નવાઈ લાગશે કે જામનગરમાં રહેતો 13 વર્ષનો ભવ્ય પણ છોટે એ.આર. રહેમાન તરીકે ફેમસ છે.
.JPG)
પાંચ વર્ષનો હતો ત્યારથી જ તેને સંગીત પ્રત્યે લગાવ થઇ ગયો
સામાન્ય રીતે કોઈ વ્યક્તિ કોઈ એક કે બે સંગીત વાદ્ય વગાડી શકે છે પરંતુ ભવ્ય અલગ અલગ સાત પ્રકારના મ્યુઝિક ઇન્સ્ટ્રુમેન્ટ વગાડી શકે છે. અલગ અલગ સાત પ્રકારના સંગીતના વાધ્યો વગાડનાર ભવ્ય જામનગરની ભાગોળે આવેલી સંસ્કારધામ સોસાયટીમાં રહે છે. ભવ્યનું કહેવું છે કે જયારે તે પાંચ વર્ષનો હતો ત્યારથી જ તેને સંગીત પ્રત્યે લગાવ થઇ ગયો હતો. ભવ્યના પિતા રાજભાઈ કુબાવત જામનગરના સુપ્રસિદ્ધ બાલા હનુમાન મંદિર કે જ્યાં 24 કલાક અખંડ રામધૂન ચાલે છે ત્યાં ઢોલક વગાડે છે. ભવ્ય બાળપણથી જ પિતાની સાથે મંદિરે જતો. પિતાને ઢોલક વગાડતાં જોઈ તેને ઢોલક વગાડવાનું શરુ કર્યું, ત્યારબાદ પિતાને થયું કે ભવ્યને સંગીત પ્રત્યે લગાવ વધુ છે ત્યારે તેઓએ વિવિધ સંગીતના વાધ્યો વગાડતાં ગુરુઓ પાસે તાલીમ અપાવવાનું શરુ કર્યું. ધીમે ધીમે કરીને ભવ્ય ઢોલ, ઢોલક, તબલા, મૃદન્ક, ઓકટોપેડ, ડ્રમ સહીત સાત વધ્યો વગાડવા નિપુર્ણ થઇ ગયો.
ભવિષ્યમાં ભવ્ય સારો મ્યુઝીક કંપોઝર બનશેઃમાતા-પિતા
ભવ્યના માતા ભારતીબેન એક શિક્ષક છે, અને પિતા ST વિભાગમાં નોકરી કરે છે. ભાવની માતાનું કહેવું છે કે ભાવનો સંગીત પ્રત્યેનો લગાવ જોઈને અમે તેને બનતી તમામ મદદ કરી રહ્યા છીએ, આ મ્યુઝિકલ ઇન્સ્ટ્રુમેન્ટ ખરીદવા પાછળ અત્યારસુધીમાં અમે અંદાજે પાંચ લાખ સુધીનો ખર્ચ કર્યો છે. એટલું જ઼ નહીં વિવિધ ઇન્સ્ટ્રુમેન્ટની તાલીમ માટે દર મહિને 8થી 9 હજાર રૂપિયાનો ખર્ચ કરી રહ્યા છીએ. જો કે ભવ્યનો મ્યુઝિક પાછળનો લગાવ જોઈને અમને સારુ લાગે છે અને ભવિષ્યમાં સારો મ્યુઝિક કંપોઝર બનશે એવો અમને વિશ્વાસ છે.
