- વિરાટ કોહલીની પત્ની અનુષ્કા શર્મા ગર્ભવતી હોવાની ફરી ચર્ચા ઉપડી
- અમદાવાદ મેચમાં બેબી બંપ છુપાવતી જોવા મળી
- કોહલી તેની સંભાળ લેતો પણ જોવા મળ્યો
બોલિવુડ એક્ટ્રેસ અનુષ્કા શર્મા આ દિવસોમાં તેની બીજી પ્રેગ્નન્સીના સમાચારને લઈને ચર્ચામાં છે. શનિવારે ભારત અને પાકિસ્તાન વચ્ચે મેચ રમાઈ હતી. આ મેચમાં અનુષ્કા પણ તેના પતિ અને ક્રિકેટર વિરાટ કોહલીને સપોર્ટ કરવા આવી હતી. મેચ ખતમ થયા બાદ વિરાટ કોહલી સાથે અનુષ્કાનો એક વીડિયો વાયરલ થઈ રહ્યો છે જેમાં અભિનેત્રીનો બેબી બમ્પ દેખાઈ રહ્યો હતો.
સફેદ ડ્રેસમાં બેબી બંપ છુપાવતી જોવા મળી
અનુષ્કા શર્મા શનિવારે અમદાવાદમાં ભારત વિરુદ્ધ પાકિસ્તાન મેચ જોવા આવી હતી. મેચ દરમિયાન અભિનેત્રી સફેદ ડ્રેસમાં જોવા મળી હતી. મેચ પુરી થયા બાદ અભિનેત્રી તેના પતિ સાથે હોટલ પહોંચી જ્યાં સમગ્ર ભારતીય ટીમ રોકાઈ હતી. આ હોટલમાંથી અભિનેત્રીનો વીડિયો સામે આવ્યો છે. આ વીડિયોમાં અનુષ્કા શર્મા કોઈની સાથે વાત કરતી જોવા મળી રહી છે. તેણે પોતાના બેબી બમ્પને છુપાવવાનો ઘણો પ્રયાસ કર્યો પરંતુ ઘણી ઈચ્છા હોવા છતાં પણ તે બેબી બંપ છુપાવી શકી નહોતી અને તે દેખાઈ ગયો હતો. તેણે ખૂબ મોટો ડ્રેસ પહેર્યો હતો જેને લઈને ચર્ચા ઉપડી હતીી કે અનુષ્કા શર્મા ફરી મા બનવાની છે.
કોહલી-અનુષ્કાએ બીજી પ્રેગનન્સીને લઈને કંઈ કહ્યું નથી
વિડિયોમાં વિરાટ અનુષ્કાનો હાથ પકડીને લોબીમાંથી પસાર થતો જોવા મળ્યો હતો. આ વીડિયો સામે આવ્યા બાદ અનુષ્કા શર્માની બીજી પ્રેગ્નન્સીની ચર્ચાએ ફરી જોર પકડ્યું છે. ઉલ્લેખનીય છે કે બીજી પ્રેગ્નેન્સી બાદ કપલે હજુ સુધી કોઈ ઓફિશિયલ અપડેટ નથી આપ્યું અને ન તો કપલ તરફથી કોઈ પ્રતિક્રિયા આવી છે.
અનુષ્કા શર્માની પ્રેગ્નન્સીના સમાચાર ક્યારે આવ્યાં
અનુષ્કા શર્માની પ્રેગ્નન્સીના સમાચાર ત્યારે ચર્ચામાં આવ્યા જ્યારે તે એક ક્લિનિકની બહાર જોવા મળી હતી. આ સમય દરમિયાન, તેનો ફોટો ક્લિક કરવાનો પ્રયાસ કરાયો હતો પરંતુ તેણે સ્પષ્ટ ના પાડી દીધી. 2021માં અનુષ્કા શર્માએ તેની પહેલી દીકરી વામિકાને જન્મ આપ્યો હતો.
