- વધુ એક નબીરાનો વીડિયો વાયરલ
- ઓવરસ્પીડિંગ કરતા નબીરાનો વીડિયો વાયરલ
- જોખમી રીતે રિક્ષાને કરી ઓવરટેક
- 100થી વધુની સ્પીડે કાર ચલાવનારાનો વીડિયો
Surat News: અમદાવાદમાં ઇસ્કોન બ્રિજ પર અકસ્માત બાદ પણ રાજ્યમાં અનેક નબીરાઓ બેફામ વાહન ચલાવી રહ્યાં છે. ફૂલ સ્પીડમાં ગાડીઓ ચાલવવાના શોખીનો અકસ્માતના બનાવો પરથી જરા પણ શીખ લેવા તૈયાર ન હોય તે રીતે બેફામ વાહન હંકારી રહ્યાં હોય તેવા અવાર નવાર વીડિયો સામે આવી રહ્યા છે. ત્યારે આવો વધુ એક વીડિયો સુરતથી સામે આવ્યો છે. પૂરઝડપે કાર ચલાવતા નબીરાનો વીડિયો વાયરલ થયો છે. જોકે, વાયરલ વીડિયો ક્યાં વિસ્તારનો છે તે અંગે પુષ્ટિ થઈ નથી.
100થી વધુ સ્પીડે કાર ચલાવી
ક્રીશ પોલારા નામના ઇન્સ્ટાગ્રામ એકાઉન્ટ પર ઓવરસ્પીડિંગ કરતા નબીરાનો વીડિયો પોસ્ટ કરવામાં આવ્યો છે. વીડિયોમાં જોવા મળી રહ્યું છે કે, કારચાલક પૂરપાટ ઝડપે જોખમી કાર ચલાવી રહ્યો છે. કાર ચાલક 100થી વધુની સ્પીડે રિક્ષાને ઓવરટેક કરતો જોવા મળી રહ્યો છે. કારમાં સવાર કોઈ વ્યક્તિએ આ વીડિયો બનાવ્યો હોય તેવું લાગી રહ્યું છે. વીડિયો વાયરલ થતાં સુરત પોલીસના પેટ્રોલિંગ પર પણ સવાલ થઈ રહ્યા છે.
નબીરા સામે કાર્યવાહીની માગ
ગુજરાતમાં નબીરાઓને પોલીસનો જરાય ડર ન હોય તેવી રીતે વાહન ચલાવતા હોય તેવા વીડિયો સામે આવી રહ્યાં છે. આવા નબીરાઓ સામે કાર્યવાહીની લોકો માંગ પણ કરી રહ્યાં છે. ખાસવાત એ છે કે, થોડા દિવસ અગાઉ ભયાનક અકસ્માત અકસ્માત સર્જાયા બાદ પણ સ્ટંટબાજો બેખોફ બન્યા છે.
સળગતા સવાલ
- રસ્તા પર આટલી ઓવરસ્પીડમાં કાર ચલાવવી કેટલી યોગ્ય?
- ફૂલ સ્પીડમાં કાર ચલાવતી વખતે કોઈ અકસ્માત સર્જાય તો કોણ જવાબદાર?
- સ્ટંટની મજામાં લોકોના જીવ સાથે ચેડા કેમ કરો છો?
- પોલીસે આવા નબીરાને પાઠ ક્યારે ભણાવશે?
- ઓવરસ્પીડિંગ કરતા નબીરાનું લાયસન્સ રદ કેમ નથી કરતાં?
