અંતિમ સફર / અમરનાથ યાત્રામાં વધુ એક ગુજરાતી શ્રદ્ધાળુનું નિધન: ભાવનગરની મહિલાએ ગુમાવ્યો જીવ, એરલીફ્ટ કરાશે મૃતદેહ

• અમરનાથ યાત્રાએ ગયેલા ગુજરાતી મહિલાનું મોત
• ભાવનગરના સિદસર ગામના શિલ્પા બહેન ડાંખરાનું નિધન
• કોંગ્રેસ પ્રદેશ અધ્યક્ષ શક્તિસિંહએ ટ્વીટ કરી આપી માહીતી

 છેલ્લા સાત દિવસથી ઉત્તર ભારત, દક્ષિણ ભારત તેમજ જમ્મુ-શ્રીનગરમાં વરસાદે ભારે તારાજી સર્જી છે. જેનાં કારણે અમરનાથની યાત્રા કરવા ગયેલા અનેક લોકો ત્યાં ફસાઈ જવા પામ્યા છે. ત્યારે આર્મીની મદદથી ફસાયેલા લોકોને એરલીફ્ટ કરવામાં આવી રહ્યા છે. સૌરાષ્ટ્રનાં ભાવનગરનાં સિદસર ગામનાં શિલ્પા બહેન ડાંખરા અમરનાથ યાત્રાએ ગયા હતા. ત્યારે માર્ગમાં અચાનક જ તેઓનું મૃત્યું નિપજતા પરિવારજનો તેમજ યાત્રાળુઓમાં ગમગીની શોકનો માહોલ વ્યાપી જવા પામ્યો હતો. મહિલાનું મૃત્યું થતા તેમનાં મૃતદેહને તમામ કાર્યવાહિ પૂર્ણ કર્યા બાદ એરલિફ્ટ કરી ગુજરાત લાવવામાં આવશે. ત્યારે આ અંગે કોંગ્રેસનાં પ્રદેશ પ્રમુખ શક્તિસિંહ ગોહિલે ટ્વિટ કરી શિલ્પા બહેન ડાંખરાનાં મૃત્યું અંગે શોક વ્યક્ત કર્યો હતો. 

ભાવનગરના સિદસર ગામના અમરનાથ યાત્રી શિલ્પાબેન નરેશભાઈ ડાંખરાનુ રસ્તામાં લોવર વેલી ખાતે મૃત્યુ થયાના દુઃખદ સમાચાર મળેલ છે . મેં શ્રાઇનબોર્ડ ના પદાધિકારીઓ તથા કેમ્પ ડાયરેક્ટર સાથે વાત કરી છે કે મૃતદેહ સત્વરે પરિવારને મળે તેવી વ્યવસ્થા કરે . તેઓએ ખાત્રી આપી છે કે મૃતદેહને એરલિફ્ટ કરી… pic.twitter.com/zhqrN4xb4R

— Shaktisinh Gohil MP (@shaktisinhgohil) July 11, 2023