ધમકી / તો હું ભારત જઈશ અને અંજૂ અને તેના બાળકોને લાવીશ: પાકિસ્તાની નસરૂલ્લાહે ભારતમાં આવીને ગદર કરવાની આપી ચીમકી

• અંજૂ સાથે લગ્ન બાદ નસરૂલ્લાહનો દાવો 
• નસરૂલ્લાહે આપી ચીમકી 
• કહ્યું ભારત જઈ અંજૂ અને તેના બાળકોને લાવીશ 

પાકિસ્તાનની સીમા ઓળંગીને આવેલી સીમા હૈદરની સ્ટોરીનો હજુ અંત નથી આવ્યો ત્યાં જ અંજૂ નામની એક મહિલા પાકિસ્તાન પહોંચી ગઈ છે. સીમા પાર વાળો પ્રેમ હાલ ખૂબ જ ચર્ચામાં છે. પડોસી દેશ પહોંચેલી અંજૂના કેસમાં દરરોજ નવી નવી સ્ટોરી સામે આવે છે. હવે અંજૂના પતિ નસરૂલ્લાહે નવો દાવો કર્યો છે. 

નસરૂલ્લાહ અનુસાર, પાકિસ્તાન સરકાર અંજૂને સરકારી નોકરી અને ઘર આપવાની છે. સાથે જ તેમણે એવો પણ દાવો કર્યો છે કે અમુક દિવસોમાં અંજૂ ભારત પહોંચશે અને પોતાના બાળકોને પરત પાકિસ્તાન લઈને જશે. જો તે ફરી પોતાના દેશ નહીં જાય તો તે પણ સરહદ પાર કરીને અંજૂને લેવા ભારત પહોંચી જશે. 

નસરૂલ્લાહે શું દાવો કર્યો? 
હકીકતે પાકિસ્તાનના રહેવાસી નસરૂલ્લાબે એક વાતચીતમાં કહ્યું, "પાકિસ્તાન સરકાર અંજૂને નોકરીની સાથે સાથે એક ઘર પણ આપશે. અંજૂએ ઈસ્લામ ધર્મને અપનાવી લીધો છે અને ત્યાં તેને પાકિસ્તાનની નાગરિકતા પણ મળી જશે. તે જે પણ કંઈ કરી રહી છે તે પોતાની મરજીથી કરી રહી છે. અંજૂ ઓગસ્ટના મહિનામાં ભારત પહોંચવાની છે અને પોતાના બાળકોને સાથે લઈને જશે."

 

અંજૂની હત્યાની આશંકા 
તેની સાથે જ નસરૂલ્લાહે આશંકા વ્યક્ત કરી છે કે અંજૂની ભારતમાં હત્યા થઈ શકે છે. તેમણે કહ્યું, "અંજૂએ મને કહ્યું કે જો હું ભારત પહોંચી તો મારા પર હુમલો થઈ શકે છે. તે ઓગસ્ટના મહિનામાં ભારત પહોંચશે અને બાળકોને ફરી પાકિસ્તાન લઈને આવશે."

આ ઉપરાંત તેમણે એમ પણ કહ્યું, "જો અંજૂ પોતાના બાળકોને લઈન પરત પાકિસ્તાન નહીં ફરે તો હું પોતે ભારત જઈશ અને તેને બાળકોની સાથે પરત લઈને આવીશ." સાથે જ તેણે એ વસ્તુઓનો પણ દાવો કર્યો કે ઈસ્લામ ધર્મમાં બાળકોને પરિવર્તિત નહીં કરવામાં આવે.