- સાળંગપુર મંદિરમાં હનુમાનજીના વિવાદિત ચિત્ર મામલે રોષ યથાવત્
- અમદાવાદમાં હિન્દુ સમાજના યુવાનોમાં ભારે રોષ
- રાજકોટથી 5 તારીખે એક હજારથી પણ વધુ ગાડીઓ સાળંગપુર મંદિર જશેઃ જનતા
સાળંગપુર મંદિરમાં હનુમાનજીનાં વિવાદિત ચિત્ર મામલે રોષ યથાવત છે. અમદાવાદમાં હિન્દુ સમાજનાં યુવાનોમાં હનુમાનજીનાં વિવાદિત ચિત્ર મામલે ભારે રોષ જોવા મળી રહ્યો છે. ત્યારે સાધુ-સંતો બાદ હિન્દુ સમાજનાં યુવાનોમાં ભારે રોષની લાગણી વ્યાપી જવા પામી છે. હિન્દુ સમાજનાં યુવાનો દ્વારા એવી માંગ કરી છે કે આ વિવાદનો ઝડપથી અંત આવવો જોઈએ. હનુમાનજીનાં વિવાદિત ચિત્રોથી અમારી આસ્થાને ઠેસ પહોંચી છે. વિવાદનાં કારણે હિન્દુત્વનાં ભાગલા થશે.
5 તારીખે એક હજારથી વધુ ગાડીઓ સાળંગપુર મંદિરે જસેઃ ભક્ત
રાજકોટ સાળંગપુર મંદિરનાં વિવાદ મામલે હનુમાન ભક્તોમાં આક્રોશ જોવા મળ્યો છે. ત્યારે ભીંતચિત્ર મુદ્દે લોકોએ રોષ ઠાલવ્યો છે. અને વધુમાં જણાવ્યું છે કે હનુમાનજીનું અપમાન સહન નહિ કરીએ. તેમજ સાળંગપુર મંદિર દ્વારા પ્રતિમા નહિ હટાવાઈ તો જોવા જેવી થશે. આ આંદોલનની શરૂઆત થઈ ચૂકી છે. 5 તારીખે 1000 થી પણ વધુ ગાડીઓ સાળંગપુર મંદિરે જશે.
જ્યા સુધી તિલક, ભીતચિત્ર નહી હટે ત્યા સુધી આંદોલન ચાલુ રહેશેઃ સાધુ સંતો
સાળંગપુરમાં હનુમાનજીનાં ભીંતચિંત્રોને લઈ વિવાદ શાંત થવાનું નામ નથી લેતો. તો બીજી તરફ વિવાદને લઈને વડોદરામાં સંતો દ્વારા આંદોલન શરૂ થયું છે. વડોદરામાં સંતો અને હિંદુ સંગઠન દ્વારા વિરોધ શરૂ થયો છે. હનુમાનજીને તિલક લગાવ્યું તે રામનું તિલક નથી. હનુમાનજીને દાસ તરીકે દર્શાવ્યા છે. હવે જ્યાં સુધી તિલક, ભીંતચિત્ર હટશે નહી ત્યાં સુધી આંદોલન ચાલુ રહેશે. તેમજ ભગવાનનું જે અપમાન કરવામાં આવ્યું તે બંધ થવું જોઈએ. તેમજ બીજાને નીચા બતાવીને પોતે મોટું થવું તે ખોટું છે અને હનુમાનજી રામજી સિવાય કોઈના દાસ નથી.
