કૃષ્ણનગરમાં બકરી સાથે અકસ્માત કરતા એક યુવકની હત્યાએ સનસનાટી ફેલાઈ જવા પામી હતી. ત્યારે પોલીસે હત્યા કરનાર આરોપીની કરી ધરપકડ કરી છે. નજીવી બાબતમાં આરોપીઓએ હત્યા કરતા ચકચાર મચી જવા પામી હતી.
Share
કૃષ્ણનગરમાં બકરી સાથે અકસ્માત થયા યુવકની હત્યા
પોલીસે હત્યા કરનાર આરોપીની કરી ધરપકડ
નજીવી બાબતે આરોપીઓએ યુવક પર હુમલો કર્યો હતો
પોલીસ કસ્ટડીમાં જોવા મળતા આરોપીનું નામ હિતેશ છે. જેને બકરી માટે એક યુવકની હત્યા કરી દીધી. ઘટના એવી છે કે કૃષ્ણનગર માં સૈજપુર બોઘામાં રહેતો યુવક જગદીશ ચુનારા રાત્રિ દરમિયાન એક્ટિવા પર જઈ રહ્યો હતો. તે દરમિયાન સૈજપુર ભઠ્ઠામાં રાધેશ્યામ ચાલીની અંદર એક્ટિવા ચલાવતા સમયે અચાનક તેની એક્ટિવા આગળ બકરી આવી હતી. જેના કારણે બકરીને ટક્કર વાગતા તેને ઈજા પહોંચી હતી.
પોલીસે હત્યાનો ગુનો નોંધી એક આરોપીની ધરપકડ કરી
બકરીના માલિક આરોપી હિતેશ ચુનારા, તેના પિતા દશરથ ચુનારા અને ભાઈઓ ઘરેથી બહાર આવ્યા હતા અને જગદીશ ચુનારા સાથે ઝઘડો કર્યો. આ ઝઘડો એટલો ઉગ્ર બન્યો કે ઉશ્કેરાયેલા આરોપીઓ લાકડીઓ અને લોખંડ ની પાઇપોથી હુમલો કરી દીધો હતો. અને જગદીશ જમીન પર ઢળી પડ્યો હતો. હોસ્પિટલમાં સારવાર માટે લઈ જતા ડોક્ટર મૃત જાહેર કર્યો હતો. કૃષ્ણનગર પોલીસે હત્યાનો ગુનો નોંધી એક આરોપી હિતેષ ની ધરપકડ કરી છે.
સામાન્ય ઝઘડામાં યુવકની હત્યા કરી
પકડાયેલ આરોપી હિતેષ ચુનારા મજુરી કામ કરે છે. અને ઘરે બકરીઓનો ઉછેર કરે છે. ઘર નજીક બકરી ફરી રહી હતી. ત્યારે જગદીશની એક્ટિવા થી બકરી ઘાયલ થતા પરિવાર ઉશ્કેરાઈ ગયો હતો. આ બકરી બાળપણથી ઉછેરી હોવાથી લાગણીના કારણે મારામારી કરી દીધી હોવાનો આરોપી બચાવ કર્યો. પરંતુ એક સામાન્ય ઝઘડામાં યુવકની હત્યા કરી દેતા સમગ્ર વિસ્તારમાં સનસનાટી ફેલાઈ હતી. કૃષ્ણ નગર પોલીસે હત્યા કેસમાં 5 આરોપી વિરુદ્ધ ગુનો નોંધ્યો હતો. જેમાં મુખ્ય સૂત્રધારની ધરપકડ કરીને અન્ય ચારની શોધખોળ શરૂ કરી.
પોલીસે હત્યામાં ઉપયોગમાં લેવાયેલા હથિયારો જપ્ત કર્યા
બકરીના કારણે હત્યાની ઘટનામાં કૃષ્ણનગર પોલીસે હત્યામાં ઉપયોગ માં લેવાયેલા હથિયારો જપ્ત કર્યા છે. જ્યારે બકરીનું પણ ઘટના સ્થળે પચનામું કર્યું. આ હત્યા પાછળ બકરી જ જવાબદાર છે કે કોઈ અન્ય કારણ પણ છે તે મુદ્દે વધુ પૂછપરછ હાથ ધરી છે.
