ચેતજો / બંધ લિફ્ટમાંથી બહાર નીકળતા વૃદ્ધે કરી ભૂલ, સીધા નીચે પટકાતાં મોત, રાજકોટનો હૈયું થભી જાય તેવો વીડિયો

• રાજકોટમાં પગ લપસી જતાં વૃદ્ધનું મોત
• લિફ્ટમાંથી બહાર નીકળતી વખતે લપસ્યો પગ 
• લિફ્ટ બંધ થતાં બહાર નીકળવાની કોશિશ કરતા હતા 

રાજકોટમાં ચોંકાવનારી ઘટના સામે આવી છે. જેમાં લિફ્ટમાંથી બહાર નીકળતી વખતે પગ લપસી જતા વૃદ્ધનું કમકમાટીભર્યું મોત નીપજ્યું હોવાનું સામે આવ્યું છે.150 ફૂટ રિંગ રોડ પર આવેલ ઇસ્કોન ઓબિટો એપાર્ટમેન્ટનો આ બનાવ છે. જ્યા લિફ્ટ બંધ થઇ જતા વૃદ્ધ બહાર નીકળવાની કોશિશ કરી રહ્યા હતા આ વેળાએ પગ લપસી જતા તે નીચે પટકાયા હતા અને મોત નીપજ્યું હતું. આ સમગ્ર ઘટનાના CCTV  સામે આવ્યા છે.

બંધ લિફ્ટમાંથી બહાર નીકળતા વૃદ્ધે કરી ભૂલ, સીધા નીચે પટકાતાં મોત, રાજકોટનો હૈયું થભી જાય તેવો વીડિયો#Rajkot #Lift #vtvgujarati pic.twitter.com/2ynHizJHpW

— VTV Gujarati News and Beyond (@VtvGujarati) August 24, 2023

સાતમા માળેથી લિફ્ટ મારફતે નીચે ઉતરતા હતા વૃદ્ધ

આ કેસની વિગત એવી છે કે રાજકોટ શહેરના મવડી 80 ફૂટ રોડ પર આવેલ શ્યામલ ઉપવનની પાછળના ભાગે ઇસ્કોન એમ્બીટો નામનું રેસિડેન્ટલ ટાવર આવેલું છે. જ્યાં રહેતા અને ડીઝલ એન્જિનનું કારખાનું ચલાવતા હરસુખભાઈ નરસિંહભાઈ નામના 65 વર્ષીય વૃદ્ધ આજે સવારે સાતમા માળેથી લિફ્ટ મારફતે નીચે ઉતરતા હતા. આ દરમિયાન વીજ પુરવઠો એકાએક ખોરવાઈ જતા લિફ્ટ બંધ થઈ ગઈ હતી. જેમાં વૃદ્ધ કારખાનેદાર ફસાઈ ગયા હતા.

સમગ્ર ઘટનાના CCTV બહાર આવ્યા
 તેઓ બહાર નીકળવા માટે કોશિશ કરતા હતા અને બહાર કાઢવાના પ્રયાસમાં લિફ્ટ અને દરવાજા વચ્ચેના ગાળામાંથી તેઓ સરકી ગયા હતા. જેને લઈને સાતમા માળેથી નીચે પટકાતા તેનું કરુણ મોત નીપજ્યું હતું. જે અંગે જાણ થતાં સ્થાનિક પોલીસ કાફલો પણ તાબડતોબ ઘટના સ્થળે દોડી ગયો હતો. આ સમગ્ર ઘટનાના CCTV બહાર આવ્યા છે.