ઘોર કળિયુગ / 11 વર્ષની દીકરી ઘરમાં પણ સુરક્ષિત નથી: ચોકલેટની લાલચ આપી દાદાએ જ આચર્યું દુષ્કર્મ, એલર્જીની સારવારમાં થયો ખુલાસો

• 11 વર્ષીય તરુણી પર આચર્યું દુષ્કર્મ 
• બિસ્કીટની લાલચ આપી આચર્યું દુષ્કર્મ 
• આરોપી વિરુદ્ધ પોલીસમાં ફરિયાદ 

Surat News: સુરતમાંથી માનવતાને શર્મસાર કરતી ઘટના સામે આવી છે. જેમાં વૃદ્ધે 11 વર્ષીય સગીરાને હવસનો શિકાર બનાવી અનેક વખત દુષ્કર્મ આચર્યું હતું. જે બાદ સગીરાને એલર્જી થતાં માતા સારવાર અર્થે હોસ્પિટલ ખાતે લઈ ગઈ હતી, જ્યાં સારવાર દરમિયાન સગીરા પર દુષ્કર્મ થયાનો ઘટસ્ફોટ થતા માતાના પગ નીચેથી જમીન સરકી ગઈ હતી. હાલ પીડિતાની માતાએ નરાધમ સામે પોલીસ ફરિયાદ નોંધાવતા પોલીસે ગુનો નોંધી વધુ તપાસ હાથ ધરી છે.

એકલતાનો લાભ ઉઠાવી આચર્યું દુષ્કર્મ
પ્રાપ્ત વિગતો અનુસાર, સુરતના મહુવામાં મજૂરીકામ કરીને ગુજરાન ચલાવતા દંપતીની માત્ર 11 વર્ષની દીકરી પર બાજુમાં રહેતા સુખાભાઈ ભાણાભાઈ હળપતિ નામના વૃદ્ધે નજર બગાડી હતી. સગારાના માતા-પિતા મજૂરીએ ગયા બાદ એકલતાનો લાભ ઉઠાવીને નરાધમે સગીરા પર દુષ્કર્મ આચર્યું હતું.   

એલર્જીની સારવાર કરાવતા દુષ્કર્મ થયાનો ઘટસ્ફોટ 
જે બાદ 8 માસના સમયગાળામાં અનેકવાર નરાધમે સગીરાને એકલી ભાળી ચોકલેટ પીપરની લાલચ આપી વાસના સંતોષી હતી. જે બાદ તરુણીને એલર્જી નીકળી આવતા માતા તેને લઈને સરકારી દવાખાને પહોંચી હતી. જ્યાં સગીરા દુષ્કર્મનો ભોગ બની હોવાનું તબીબોએ જણાવ્યું હતું. 

પીડિતાની માતાએ નોંધાવી ફરિયાદ 
જે બાદ દીકરી પોતે જેને દાદાજી કહીને સંબોધતી હતી તેજ લંપટ આધેડે સગીરાને હવાશનો શિકાર બનાવી હોવાનું સામે આવ્યું હતું. જે બાદ સગીરની માતાએ મહુવા પોલીસ મથકે સુખાભાઈ ભાણાભાઈ હળપતિ સામે ફરિયાદ નોંધાવી હતી. હાલ પોલીસે લંપટની અટકાયત કરી કાયદેસરની કાર્યવાહી હાથ ધરી છે.