ડૉક્ટરી સસ્તી થઈ.! / મેડીકલ કોલેજ વિદ્યાર્થીઓ સૌથી મોટા સમાચાર, GMERSએ ફી વધારો પાછો ખેંચ્યો, હવે આટલી ફી સરકાર માન્ય

• GMERS મેડિકલ કોલેજોમાં ફી વધારો પરત ખેંચાયો
• ફોર્મ ભર્યા બાદ ફીમાં વધારો કરાતાં થયો હતો વિરોધ
• સરકારી ક્વોટાની ફી 5.50 લાખથી ફરી 3.30 લાખ કરાઇ
• મેનેજમેન્ટ ક્વોટાની ફી 17લાખથી ફરી 9.7 લાખ થઇ

 રાજ્ય સરકાર દ્વારા તબીબી સ્નાતક અભ્યાસક્રમ વર્ષ 2023-24 માં  13 GMERS કોલેજોમાં સરકારી તેમજ મેનેજમેન્ટ ક્વોટામાં અસહ્ય ફી વધારો કર્યો હતો. જે મામલે ધારાસભ્યો તેમજ વાલીઓ દ્વારા સરકારમાં રજૂઆત કરવામાં આવી હતી. જે મામલે સરકાર વિચારણા કર્યા બાદ GMERS કોલેજોમાં ફી વધારાનો નિર્ણય પરત ખેંચાયો છે.  ત્યારે હવે સરકારી ક્વોટાની ફી 5.50 લાખથી ફરી 3.30 લાખ કરાઈ છે. જ્યારે મેનેજમેન્ટ ક્વોટાની ફી 17 લાખથી ફરી 9.7 લાખ કરવામાં આવી છે. ત્યારે ફી વધારો પરત ખેંચાતા વાલીઓને સૌથી મોટી રાહત થવા પામી છે. 

ફીમાં કેટલો વધારો કરાયો હતો
શૈક્ષણિક પ્રવેશ વર્ષ-2023-24માં પ્રથમ વર્ષની જીએમઈઆરએસની 13 મેડીકલ કોલેજોની બેઠકો ઉપર શૈક્ષણિક ફી વાર્ષિક રૂ.5.50 લાખ સાથે સેલ્ફ ફાયનાન્સના લિસ્ટમાં દાખલ કરી સરકારી ક્વોટાની 75% બેઠક પ્રમાણે કુલ 1500 બેઠકો તેમજ શૈક્ષણિક ફી વાર્ષિક રૂ. 17 લાખ સાથે મેનેજમેન્ટ ક્વોટાની 10% બેઠકો પ્રમાણે કુલ-210 બેઠક સરકારી ક્વોટાની બેઠકો તરીકે આપવા માટે સરન્ડર કરવામાં આવી હતી.
હવે કેટલી ફી નક્કી કરાઈ
વાલીઓ દ્વારા વિરોધ કરવામાં આવતા સરકાર દ્વારા ફી વધારો પાછો ખેંચવામાં આવ્યો છે. ત્યારે હવે શૈક્ષણિક પ્રવેશ વર્ષ 2023-24  માં સરકારી ક્વોટાની ફી 3.30 લાખ કરાઈ છે. જ્યારે મેનેજમેન્ટ ક્વોટાની ફી 9.7 લાખ કરવામાં આવી છે. ત્યારે આ બાબતે રાજ્ય સરકાર દ્વારા વિચાર વિમર્શ કર્યા બાદ વિદ્યાર્થીઓનાં હિતમાં નિર્ણય કર્યો છે.