નવી પહેલ / ગુજરાતમાં કોઈપણ કેસ આગામી નવી મુદ્દત વગરનો નહીં રહે, હાઈકોર્ટનો મહત્વનો નિર્ણય, આવી રીતે થશે સિસ્ટમેટિક કામ

• ગુજરાત હાઇકોર્ટની નવી પહેલ
• જ્યુડિશિયલ રિફોર્મની દિશામાં નવી પહેલ
• કોઈપણ કેસ આગામી નવી મુદ્દત વગરનો નહીં રહે 

જ્યુડિશિયલ રિફોર્મની દિશામાં ગુજરાત હાઇકોર્ટે નવી પહેલ શરૂ કરી છે. જેના ભાગરૂપે હવે મુલતવી થનાર કેસમાં કોર્ટ તારીખ ન આપે તો પણ સિસ્ટમ જનરેટેડ મુદ્દત ફરજિયાત આપવામાં આવશે. પરિણામે હવે કોઈપણ કેસ આગામી નવી મુદ્દત વગરનો રહેશે નહીં. મહત્વનું છે કે 10 વર્ષથી જૂના કેસોને હવે પ્રાથમિકતા આપી તેને ચલાવી જરૂરી કાર્યવાહી કરવામાં આવશે અને આવા કેસોમાં 2 અઠવાડિયાથી વધુની મુદ્દત નહીં મળે. તેવું પણ જાણવા મળી રહ્યું છે. 

સુનિતા અગ્રવાલના માર્ગદર્શન હેઠળ નિર્ણય લેવાયો

વધુમાં 5થી 10 વર્ષ સુધીના કેસોમાં 2 મહિનાથી લાંબી મુદ્દત મળશે નહીં! તે જ રીતે 5 વર્ષના કેસમાં પણ મહત્તમ 6 મહિના સુધીમાં સિસ્ટમ જનરેટેડ તારીખ આપવા નિર્દેશ કરવામાં આવ્યો છે. ન્યાયિક પ્રક્રિયા તેજ બનાવવા ચીફ જસ્ટિસ સુનિતા અગ્રવાલના માર્ગદર્શન હેઠળ આ પ્રકારનો નિર્ણય લેવામાં આવ્યો છે.