વિવાદ / વડોદરાનો સાયકલ ટ્રેક વિવાદ પહોંચ્યો છેક PMO સુધી, રાજ્ય સરકારને રિપોર્ટ સોંપવા આદેશ

• વડોદરાના સાયકલ ટ્રેકને લઈ વિવાદ
• જાગૃત નાગરિકે PMOમાં કરી ફરિયાદ
• વિવાદ વચ્ચે સાયકલ ટ્રેકનું ઉદ્ઘાટન

વડોદરાના સાયકલ ટ્રેકને વિવાદ છેડાયો છે. કલ્પેશ પટેલ નામના જાગૃત નાગરિકે સાયકલ ટ્રેકની PMOમાં ફરિયાદ કરી છે તેમજ કેટલાક આક્ષેપો પણ કર્યા છે. સાયકલ ટ્રેકના નામે પ્રજાના ટેક્સના રૂપિયાનો ધૂમાડો થયાનો ફરિયાદમાં આક્ષેપ કર્યો છે.

PMOએ રાજ્ય સરકારને તપાસનો આદેશ આપ્યો
કલ્પેશ પટેલ નામાના જાગૃત નાગરિકની ફરિયાદ બાદ PMOએ રાજ્ય સરકારને તપાસનો આદેશ આપ્યો છે. પીએમઓએ તપાસ કરીને રિપોર્ટ સોંપવા રાજ્ય સરકારને આદેશ પાઠવ્યો છે તો બીજી તરફ મનપાના સ્ટેન્ડિંગ કમિટી ચેરમેને સાયકલ ટ્રેકનું ઉદ્ઘાટન પણ કરી દીધુ છે. 

'ટ્રેક પર દબાણો અને ગટરના ઢાંકણા ઉપસેલા છે'
આ સાયકલ ટ્રેક વિશે તમને જણાવીએ કે, આજવા રોડ પર 4 કિલોમીટર લાંબો બનાવાયો છે અને જે પાછળ પાલિકાએ 1.70 કરોડનો ખર્ચ કર્યો છે તેમજ આ ટ્રેકના ઉદ્ઘાટન અંગે વિપક્ષ નેતા અમીબેન રાવતનું નિવેદન સામે આવ્યું છે તેમણે કહ્યું કે, સાયકલ ટ્રેકના નામે મજાક કરવામાં આવ્યો અને સાયકલ ટ્રેક પર દબાણો અને ગટરના ઢાંકણા ઉપસેલા છે તેમણે કહ્યું કે, આવા સાયકલ ટ્રેકના કારણે અકસ્માતનો ભય રહે છે.