ભાવ વધારો / મોંધવારીનો વધુ એક માર: અમૂલે દેશમાં ગુજરાત સિવાયના રાજ્યોમાં ફૂલ ક્રીમ અને દૂધમાં કર્યો 2 રૂ.નો વધારો

• તહેવારોની સીઝનમાં મોંઘવારીનો માર
• અમુલ ડેરીએ ક્રીમ અને દુધના ભાવમાં વધારો કર્યો

તહેવારોની સીઝનમાં મોંઘવારીનો વધુ એક આંચકો લાગ્યો છે. શનિવારે ભારતની જાણીતી ડેરી કંપની અમૂલે ફુલ ક્રીમ અને ભેંસના દૂધના ભાવમાં બે રૂપિયાનો વધારો કર્યો છે.

Amul has increased prices of full cream milk and buffalo milk by Rs 2 per litre in all states except Gujarat: RS Sodhi, MD, Gujarat Cooperative Milk Marketing Federation Limited pic.twitter.com/rhbBnVFEJp

— ANI (@ANI) October 15, 2022

2 રૂપિયા પ્રતિ લીટર ભાવ વધારો
જાણકારી અનુસાર અમૂલનું ફુલ ક્રીમ મિલ્ક હવે 62ના બદલે 64 રૂપિયા પ્રતિ લીટરે મળશે. સાથે જ મધર ડેરી પણ ભાવવધારાની તૈયારી કરી રહી છે. સાંજ સુધીમાં મધર ડેરી નવા ભાવની જાહેરાત કરે તેવી શક્યતા છે. ગુજરાત કો-ઓપરેટિવ મિલ્ક માર્કેટિંગ ફેડરેશન લિમિટેડના એમડી આર.એસ.સોઢીએ જણાવ્યું છે કે અમૂલે ગુજરાત સિવાય તમામ રાજ્યોમાં ફુલ ક્રીમ દૂધ અને ભેંસના દૂધના ભાવમાં લિટર દીઠ રૂ.2નો વધારો કર્યો છે.

આ કંપનીના ભાવમાં પણ વધારો થયો
સાથે જ પંજાબની ડેરી કંપની વેરકાએ પણ દૂધના ભાવમાં ફરી વધારો કર્યો છે. અડધા કિલોના પેકેટમાં 1 રૂપિયાનો વધારો કરવામાં આવ્યો છે. જ્યારે એક કિલોના બે રૂપિયા રેટમાં વધારો થયો છે. નવા દર 16 તારીખથી લાગુ થશે.