- ઇઝરાયલના પ્રધાનમંત્રી બેન્જામિન નેતન્યાહુએ હિજબુલ્લાહને ધમકી આપી
- તો ઇઝરાયલ..બેરૂત અને સાઉથ લેબનાનમાં મોટાં પ્રમાણમાં વિનાશ સર્જશે
- હિજબુલ્લાહના એન્ટિ-ટેન્ક મિસાઇલ હુમલામાં 2 ઇઝરાયલી સૈનિકો ઘાયલ થયા
ઇઝરાયલના પ્રધાનમંત્રી બેન્જામિન નેતન્યાહુએ ધમકી આપી છે કે જો હિજબુલ્લાહે હમસ સાથેના યુદ્ધ વચ્ચે ઇઝરાયલ સામે બીજો મોરચો ખોલ્યો તો બેરૂત અને સાઉથ લેબનાનમાં મોટાં પ્રમાણમાં વિનાશ સર્જશે. નેતન્યાહુએ કહ્યું કે, ' જો હિજબુલ્લાહ યુદ્ધનો નિર્ણય કરે છે તો તે જાણી જોઇને પોતાના હાથે બેરૂત અને દક્ષિણ લેબનોનને ગાઝા અને ખાન યુનિસમાં ફેરવી દેશે, જે બહુ દૂર નથી."
નેતન્યાહુએ સૈનિકો સાથે વાત કરતાં સમયે આપી હિજબુલ્લાહને ધમકી
એક રિપોર્ટ અનુસાર ગુરુવારે નેતન્યાહુ લેબનાનની સહરદ પાસે આવેલ ઈજરાયેલી રક્ષા દળો (IDF)ના નોર્ધન કમાન્ડના હેડક્વાર્ટર પહોંચ્યા હતા. આ દરમિયાન સૈનિકો સાથે વાત કરતી વખતે તેણે હિઝબુલ્લાહને ધમકી આપી હતી અને સાથે જ લેબનીઝ સરહદે હિઝબુલ્લાહના ગોળીબારને યોગ્ય જવાબ આપવા માટે IDFની પ્રશંસા કરી. ધમકીમાં તેને હમાસના હુમલાના જવાબમાં ઉત્તર ગાઝામાં ઇઝરાયેલી દળો દ્વારા થયેલા વ્યાપક વિનાશનો ઉલ્લેખ કર્યો હતો.
હિજબુલ્લાહના હુમલામાં 2 ઈઝરાયલ સૈનિકો ઘાયલ થયા
ઇઝરાયલના પ્રધાનમંત્રી બેન્જામિન નેતન્યાહુની ધમકી એવા સમયે સામે આવી છે જ્યારે લેબનાનની સહરદ પર હિજબુલ્લાહના એન્ટિ-ટેન્ક મિસાઇલ હુમલામાં 2 ઇઝરાયલી સૈનિકો ઘાયલ થયા છે. જવાબી કાર્યવાહીમાં IDFએ હિજબુલ્લાહના અનેક ઠેકાણાઓ પર બોમ્બમારો કર્યો અને તેની ઘણી જગ્યાઓને નષ્ટ કરી દીધી. IDFએ આનો એક વીડિયો પણ જાહેર કર્યો છે. જણાવી દઈએ કે તાજેતરના દિવસોમાં લેબનીઝ આતંકવાદી જૂથ હિઝબુલ્લાહે હમાસ ના સમર્થનમાં ઈઝરાયલ પર ગોળીબાર તેજ કર્યો છે.
નોંધનીય છે કે હિઝબુલ્લાહ લેબનોનમાં કટ્ટરપંથી આતંકવાદી જૂથ છે. આ જૂથ ત્યારે અસ્તિત્વમાં આવ્યું જ્યારે ઇઝરાયલે 1982માં દક્ષિણ લેબનોન પર આક્રમણ કર્યું. જો કે, જૂથ સત્તાવાર રીતે 1985 માં સ્થાપિત થયું હતું. આ જૂથ સમયાંતરે ઇઝરાયલ પર હુમલા કરતું રહે છે અને તે હમાસ કરતાં વધુ ખતરનાક અને મજબૂત છે. 2006માં હિઝબુલ્લાહ અને ઈઝરાયલ વચ્ચે લગભગ એક મહિના સુધી યુદ્ધ થયું હતું.
