- દિવાળી દરમિયાન અંબિકા ફટાકડા પર ITના દરોડાનો કેસ
- દિવાળીમાં 1 લાખથી વધુના ફટાકડા ખરીદનાર સામે થશે તપાસ
- અંબિકા ફટાકડાના માલિક આશિષ ખજાનચીની ફરી પૂછતાછની સંભાવના
દિવાળી દરમ્યાન ઈન્કમટેક્ષ વિભાગ દ્વારા અંબિકા ફટાકડા પર દરોડો પાડ્યો હતો. ત્યારે દિવાળીમાં 1 લાખથી વધુનાં ફટાકડા ખરીદનારા લોકો સામે આગામી સમયમાં તપાસ શરૂ થઈ શકે છે. જેમાં સરકારી અધિકારી, પોલીસ કર્મચારી, ઉદ્યોગપતિઓની પૂછતાછ થઈ શકે છે. IT ડિપાર્ટમેન્ટ દ્વારા સીસીટીવી ફૂટેજ પણ કબ્જે કર્યા છે. સીસીટીવી ફૂટેજમાં મોટા પ્રમાણમાં ફટાકડા ખરીદનારની પૂછપરછ થઈ શકે છે.
ખજાનચીની ફરી પૂછતાછ થવાની સંભાવના
ભાઈબીજનાં દિવસે અમદાવાદમાં આવેલી અંબિકા ફટાકડાની 3 બ્રાંચમાં દરોડા પડ્યા હતા. જે બાદ આઈટી દ્વારા તપાસ હાથ ધરવામાં આવી હતી. તપાસમાં મોટા ભાગની ખરીદી રોકડમાં થયાનું સામે આવ્યું હતું. જે બાદ પૂછપરછ હાથ ધરવામાં આવી હતી. આગામી સમયમાં અંબિકા ફટાકડાના માલિક આશિષ ખજાનચીની ફરી પૂછતાછ થવાની સંભાવના છે.
કરોડો રૂપિયાનો બિનહિસાબી સ્ટોક મળ્યો
દિવાળી બાદ હવે આયકર વિભાગે એક્શનમાં આવ્યું છે. વાત જાણે એમ છે કે, અમદાવાદમાં અંબિકા ક્રેકર્સને ત્યાં IT દરોડા પડ્યા છે. વિગતો મુજબ દરોડાની કાર્યવાહી હજુ પણ ચાલુ છે. વધુ રોકડ અને જ્વેલરી જપ્ત કરાઈ તો સામે કરોડો રૂપિયાનો બિનહિસાબી સ્ટોક મળ્યો હોવાનું પણ સામે આવ્યું છે. પ્રાથમિક વિગતો મુજબ હોલસેલરો પાસેથી ફટાકડાનું પેમેન્ટ એડવાન્સમાં લેવાતુ હતું. આ સાથે IT રિટર્નમાં સાચી આવક બતાવવામાં આવતી ન હોવાનું પણ ખૂલ્યું છે.
રાજ્યનાં સૌથી મોટા ફટાકડાનાં વેપારી પર પડ્યા હતા દરોડા
રાજ્યના સૌથી મોટા ફટાકડાના વેપારી અંબિકા ફટાકડા પર ITના દરોડા પડ્યા હતા. વિગતો મુજબ અત્યાર સુધીની કાર્યવાહીમાં 7 કરોડ રોકડા અને કરોડોના દાગીના મળી આવ્યા છે. આ તરફ હવે ITની ટીમને અમદાવાદ અને ગુજરાતના અન્ય વેપારીઓ સાથે અંબિકા ફટાકડાના માલિકે કરેલા વ્યવહારોની વિગતો પણ મળી છે.
વધુ વાંચોઃ PM મોદીના વતનમાંથી 2800 વર્ષ જૂની એવી ચીજવસ્તુઓ હાથ લાગી કે જાણીને ચોંકી જશો, જુઓ Video
દિવાળી બાદ મોટી કાર્યવાહી
મહત્વનું છે કે, દિવાળી બાદ નવા વર્ષની શરૂઆતમાં જ IT વિભાગના અધિકારીઓ એક્શનમાં આવ્યા છે. અમદાવાદમાં ફટાકડાના મોટા વેપારી અંબિકા ફટાકડાની મોટી દુકાનો અને ગોડાઉન તથા તેના સંચાલકોના ઘરે દરોડા પાડીને તપાસ શરૂ કરી છે. પ્રાથમિક વિગતો મુજબ ઘણા બેંક લોકર અને એકાઉન્ટ પણ સીઝ કરાયા છે.
