- અમરનાથ યાત્રાને લઈ સારા સમાચાર
- અમરનાથ ગુફા તરફ જતા પહાડી માર્ગને પહોળો કરાયો
- પીડીપીએ આ રોડ પહોળો કરવાનો વિરોધ કર્યો
Amarnath Cave road : અમરનાથ યાત્રાએ જતા યાત્રિકોને મોટી ભેટ ટૂંક સમયમાં જ મળવાની છે. થોડા સમયમાં વાહનો પવિત્ર ગુફા સુધી જઈ શકશે તેવી વ્યવસ્થા કરવામાં આવશે. ગુફા તરફ જતા પહાડી માર્ગને પહોળો કરવામાં આવી રહ્યો છે. ભારતીય સેનાની બોર્ડર રોડ ઓર્ગેનાઈઝેશને સોમવારેના રોજ વાહનોના કાફલાને અમરનાથ ગુફામાં સુધી લઈ ગયા હતાં. આ પહેલીવાર બન્યું છે કે, અમરનાથ ગુફા સુધી વાહનો પહોંચ્યા છે. મીડિયા રિપોર્ટ્સ અનુસાર, પવિત્ર અમરનાથ ગુફા સુધીના રસ્તાને પહોળો કરવાનું કામ પૂર્ણ થઈ ગયું છે.
અમરનાથ યાત્રા રસ્તાનો વિવાદ
અમરનાથ યાત્રા અને BRO માટે બનાવવામાં આવેલ આ રસ્તો પણ વિવાદમાં આવી ગયો છે. મહેબૂબા મુફ્તીની પાર્ટી પીડીપીએ આ રોડ પહોળો કરવાનો વિરોધ કર્યો છે અને તેને પ્રકૃતિ વિરુદ્ધ પણ ગણાવ્યો છે. પીડીપીના પ્રવક્તાએ કહ્યું કે હિંદુ ધર્મ અને પ્રકૃતિમાં આસ્થા વિરુદ્ધ આ સૌથી મોટો અપરાધ છે. હિંદુ ધર્મ આધ્યાત્મિક રીતે કુદરત સાથે જોડાયેલો છે.
'હિંદુઓ વિરુદ્ધ સૌથી મોટો અપરાધ'
પીપલ્સ ડેમોક્રેટિક પાર્ટીએ આ બાબતને મોટો પાપ અને હિંદુઓ વિરુદ્ધ સૌથી મોટો અપરાધ ગણાવ્યો છે. પીપલ્સ ડેમોક્રેટિક પાર્ટીના પ્રવક્તા મોહિત ભાને લખ્યું છે કે હિંદુ ધર્મ વિરુદ્ધ આ એક મોટો અપરાધ છે. આ ધર્મમાં આપણે પ્રકૃતિનો જતન કરતા હોઈ છીએ. રાજકીય લાભ માટે ધાર્મિક સ્થળોને પિકનિક સ્પોટના રૂપાંતરિત કરવું એ દુ:ખ જનક છે. આપણે જોશીમઠ, કેદારનાથમાં ભગવાનનો પ્રકોપ જોયો છે અને તેમ છતાં તેઓ તેના પરથી કંઈ પણ શીખ રહ્યાં નથી.
'માનસિક વિકલાંગ...'
ભાજપના વરિષ્ઠ નેતા અને ભૂતપૂર્વ નાયબ મુખ્યમંત્રીએ કવિન્દર ગુપ્તાએ પીડીપી અને અન્ય પક્ષોની ટીકા પર આકરા પ્રહાર કર્યા હતા. તેમણે કહ્યું કે, માત્ર એક માનસિક વિકલાંગ વ્યક્તિ જ બાબા બર્ફાનીના પવિત્ર ગુફા મંદિરની મુલાકાત લેતા લાખો લોકોને સહાય પૂરી પાડવાના મોદી સરકારના પરોપકારી પગલાની ટીકા કરે છે.
