તપાસ જરૂરી / રાજકોટમાંથી આતંકીઓ ઝડપાતા અમદાવાદના સોની બજારમાં એલર્ટ, તાબડતોબ એસો. લીધો મોટો નિર્ણય

• રાજકોટમાંથી ઝડપાયેલા આતંકીઓને લઇને અમદાવાદની સોની બજારમાં એલર્ટ 
• અમદાવાદમાં સોની બજારનું એસોશિએશન થયું સતર્ક
• સોની બજારમાં બહારથી કામ કરવા આવનારનું રજીસ્ટેશન થશે -એસો. .

 રાજકોટની ઘટનાના અમદાવાદમાં પડઘા પડ્યા છે .રાજકોટની સોની બજારમાંથી 3 આતંકીઓ ઝડપાયા બાદ અમદાવાદની સોની બજારના વેપારીઓ એલર્ટ થયા છે. અમદાવાદમાં સોની બજારનું એસોશિએશન સતર્ક થયું છે. એસોશિએશનના પ્રમુખે VTV સાથે વાત કરતા જણાવ્યું હતું કે સોની બજારમાં બહારથી કામ કરવા આવનારનું રજીસ્ટેશન થશે. નવા કારીગરો કામ પર રાખતા પહેલા ફરજીયાત રજીસ્ટ્રેશન કરાશે. રાજકોટ જેવી ઘટના ન બને તે માટે અમે પોલીસને મદદ કરીશું. ઉલ્લેખનીય છે કે અલકાયદાના આતંકવાદી નેટવર્કનો પર્દાફાશ થયા સમગ્ર રાજ્યના સોનાના વેપારીઓમાં ફફડાટ ફેલાયો છે. ત્યારે સોની બજારના વેપારીઓ વધુ સતર્ક થયા છે અને પોલીસને જોઇતી મદદ કરવા તત્પર છે.

અમે પોલીસને કંઈ પણ બાબતે તમામ પ્રકારનો તપાસમાં સહયોગ આપશુંઃ એસોસિયેશનનાં પ્રમુખ
આ બાબતે સમસરત બંગાલી એસોસિયેશનનાં પ્રમુખ અબ્દુલ રોખ શેખ બંગલીએ જણાવ્યું હતું કે,  આવી ગુનાહિત પ્રવૃતિ કરનારને હું વખોડી કાઢું છું. અમારા જે કારીગરો છે તે નિષ્ઠાવાન તેમજ મહેનતુ છે. ત્યારે અમે પોલીસને કંઈ પણ બાબતે તમામ પ્રકારનો તપાસમાં સહયોગ આપશું. તેમજ અમે અમદાવાદમાં પણ તપાસ કરશું અને સરકાર પણ તપાસ કરશે તો અમે તેઓને સાથ આપશું. છેલ્લા 23 વર્ષથી એસોસિયેશન ચલાવું છું તેમજ અત્યાર સુધી અમારી પર કોઈપણ એલીગેશન કે વિવાદ નથી. તેમજ અનેક સોશિયલ કામ પણ કરીએ છીએ. ત્યારે રાજકોટની ઘટનાને લઈને અમને દુઃખ પણ થયું છે. ત્યારે અમે લાયસન્સ આપતી વખતે પૂરેપૂરી તપાસ કર્યા બાદ જ લાયસન્સ આપીએ છીએ. 

પશ્ચિમ બંગાળનાં ત્રણ લોકો રાજકોટમાં રહેતા હોવાની બાતમી મળી હતીઃ એટીએસ
ઝડપાયેલા ત્રણેય આતંકીઓ મુદ્દે એટીએસ દ્વારા પ્રેસ કોન્ફરન્સ કરવામાં આવી હતી. જેમાં એટીએસનાં એસપી ઓમપ્રકાશ જાટે જણાવ્યું હતું કે, આતંકીઓ અંગે એટીએસને માહિતી મળી હતી કે, પશ્ચિમ બંગાળનાં ત્રણ લોકો રાજકોટમાં કામ કરે છે. તેમજ તેઓ અલકાયદા માટે પ્રચાર કરે છે. અને હથિયારની ખરીદી કરી હોવાની પણ બાતમી મળી હતી. ટેકનિકલ સર્વેલન્સનાં આધારે આરોપીઓની ધરપકડ કરવામાં આવી છે. ઝડપાયેલા ત્રણ આરોપીઓસ છેલ્લા 6 મહિનાથી રાજકોટ ખાતે રહેતા હતા. 

અમન માલિક ટેલીગ્રામના માધ્યમથી કોન્ટેક કરતો 
એટીએસ દ્વારા છેલ્લા ત્રણ-ચાર દિવસથી વોચ રાખીને બેઠી હતી. ત્યારે ગત રોજ 31 તારીખે ત્રણ લોકોની ધરપકડ કરવામાં આવી છે. જેમાં અમન મલિક તેમજ શેખ નવાજ સોની બજારમાં રહે છે. ત્યારે અમન મલિક ટેલીગ્રામનાં માધ્યમથી કોન્ટેક્ટ કરતો હતો. અલકાયદામાં બે એપની મદદથી જોડાયો હતો. અલકાયદામાં જોડાયા બાદ તેઓને સેમી ઓટોમેટીક હથિયાર મળ્યું હતું. ત્યારે હવે હથિયારનાં ઉપયોગને લઈને તેની તપાસ હવે હાથ ધરવામાં આવનાર છે.  આ ત્રણ લોકોનું કામ બીજા લોકોને જોડવાનું હતું. આ ત્રણેય લોકો પાસેથી 5 મોબાઈલ ફોન પણ મળી આવ્યા છે. તેમજ મોબાઈલ ફોનમાંથી ઘણા પુરાવા મળ્યા છે. કન્વર્સેશન એપની મદદ લેવાતી હતી. તેમજ હથિયાર ક્યાંથી લીધુ તે માહિતી ગુપ્ત છે.