- બોલિવૂડ એક્ટર અક્ષય કુમારને ભારતીય નાગરિકતા મળી
- સોશિયલ મીડિયા પર પોસ્ટ શેર કરીને આ વિશે માહિતી આપી
- અક્ષય કુમારને ભારતીય નાગરિકતા મળવાનો શ્રેય KRKએ લીધો
બોલિવૂડ એક્ટર અક્ષય કુમારે 15 ઓગસ્ટના અવસર પર તેના ચાહકોને ભેટ આપી છે. અક્ષય કુમારને ભારતીય નાગરિકતા મળી છે. તેણે સોશિયલ મીડિયા પર પોસ્ટ શેર કરીને આ વિશે માહિતી આપી છે. અક્ષય પાસે કેનેડાની નાગરિકતા છે જેના કારણે તે ઘણો ટ્રોલ થયો હતો. હવે ભારતીય નાગરિકતા લઈને અક્ષયે ટ્રોલ કરનારાઓને ચૂપ કરી દીધા છે.
અક્ષય કુમારને ભારતીય નાગરિકતા મળવાનો શ્રેય એક અભિનેતાએ લીધો છે. તે બીજું કોઈ નહીં પણ KRK છે. કેઆરકેએ ટ્વિટ કરીને આ વિશે જણાવ્યું છે. કેઆરકેએ અક્ષય કુમારને ભારતીય નાગરિકતા મળવા બદલ અભિનંદન પાઠવ્યા અને તેનો શ્રેય પણ લીધો. KRKએ ટ્વિટ કર્યું- અક્ષય હરિ ઓમ ભાટિયા ભારતીય નાગરિક બનવા બદલ અભિનંદન. મીડિયા તેમની રાષ્ટ્રીયતા વિશે વાત કરતા ડરતું હતું. પરંતુ મેં આ મુદ્દો ઉઠાવ્યો અને તેને અંત સુધી લઈ ગયો. અને પરિણામ પણ ખૂબ સારું આવ્યું. હું ઓછામાં ઓછા એક કેનેડિયનને ભારતીય બનાવી શક્યો. તેથી હું સાચો દેશભક્ત છું.
અક્ષય કુમારે પોસ્ટ શેર કરી
અક્ષય કુમારે પોતાની નાગરિકતાનો પુરાવો આપતી પોસ્ટ શેર કરી છે. ફોટો શેર કરતી વખતે અક્ષય કુમારે લખ્યું- દિલ અને નાગરિકતા બંને ભારતીય, હેપ્પી ઇન્ડિપેન્ડન્સ ડે. જય હિન્દ.
ફિલ્મ OMG 2 તાજેતરમાં રિલીઝ થઈ
વર્ક ફ્રન્ટની વાત કરીએ તો અક્ષય કુમારની ફિલ્મ OMG 2 તાજેતરમાં રિલીઝ થઈ છે. આ ફિલ્મને ઘણી પસંદ કરવામાં આવી રહી છે. ફિલ્મમાં અક્ષયની સાથે યામી ગૌતમ અને પંકજ ત્રિપાઠી લીડ રોલમાં જોવા મળશે. OMG 2માં અક્ષય કુમાર શિવના દૂતની ભૂમિકામાં જોવા મળ્યો છે. આ ફિલ્મ 11 ઓગસ્ટે રિલીઝ થઈ છે અને 5 દિવસમાં 75 કરોડની ક્લબમાં સામેલ થઈ ગઈ છે. OMG 2 પછી અક્ષય કુમાર ટાઈગર શ્રોફ સાથે બડે મિયાં છોટે મિયાંમાં જોવા મળશે.
