- અક્ષય કુમારની ઘણી ફિલ્મોમાં તેની જગ્યાએ કાર્તિક આર્યન જોવા મળે છે
- કાર્તિક આર્યન અને અક્ષય કુમાર બોક્સ ઓફિસ પર સામસામે આવી શકે છે
- બોક્સ ઓફિસ પર અક્ષયની 'હાઉસફુલ 5' કાર્તિક આર્યનની 'ભૂલ ભુલૈયા 3' ટકરાશે
બૉલીવુડના ખેલાડી કુમાર તરીકે ઓળખાતા અક્ષય કુમારની ઘણી ફિલ્મોની ફ્રેન્ચાઇઝીમાં તેની જગ્યાએ કાર્તિક આર્યન જોવા મળી રહ્યો છે. જેમ કે ભૂલ ભુલૈયા અને એવી વાત પણ મળી હતી કે હેરાફેરી 3માં પહેલા કાર્તિક આર્યનને લીડ તરીકે લેવામાં આવ્યો છે.
ફિલ્મ 'હાઉસફુલ 5' દિવાળી પર થશે રિલીઝ
આ બધા વચ્ચે ગઇકાલે અક્ષય કુમારે શુક્રવારે ફિલ્મ 'હાઉસફુલ 5'ની જાહેરાત કરી હતી. તરુણ મનસુખાની દ્વારા નિર્દેશિત આ ફિલ્મ આવતા વર્ષે દિવાળીના અવસર પર રિલીઝ થશે. તેને સાજીદ નડિયાદવાલા પ્રોડ્યુસ કરશે. 'હાઉસફુલ' ફ્રેન્ચાઈઝીના પાંચમા હપ્તાની રિલીઝની જાહેરાત ચાહકો માટે કોઈ ભેટથી ઓછી નથી. રસપ્રદ વાત એ છે કે આ ફિલ્મ દ્વારા કાર્તિક આર્યન અને અક્ષય કુમાર બોક્સ ઓફિસ પર સામસામે આવી શકે છે.
શું રિલીઝ ડેટમાં ફેરફાર થશે?
મીડિયા રિપોર્ટ્સ અનુસાર, 'હાઉસફુલ 5' બોક્સ ઓફિસ પર કાર્તિક આર્યનની 'ભૂલ ભુલૈયા 3' સાથે ટકરાશે. વાસ્તવમાં બંને ફિલ્મો દિવાળીના અવસર પર રિલીઝ થવા જઈ રહી છે. કાર્તિક આર્યનની ફિલ્મની જાહેરાત ઘણા સમય પહેલા કરવામાં આવી હતી. તે જ સમયે, શુક્રવારે અક્ષય કુમારની ફિલ્મની જાહેરાત કરવામાં આવી છે. હવે જોવાનું એ રહેશે કે આ ક્લેશને રોકવા માટે મેકર્સ રિલીઝ ડેટમાં થોડો ફેરફાર કરે છે કે કેમ.
અક્ષય અને કાર્તિક આવશે સામસામે
જો બંને સ્ટાર્સની ફિલ્મો એક જ સમયે રીલિઝ થાય તો આ ક્લેશ પણ ખૂબ જ મજેદાર થવાનો છે. જણાવી દઈએ કે કાર્તિક આર્યન અક્ષય કુમારની ફિલ્મ 'ભૂલ ભુલૈયા'ની સિક્વલમાં જોવા મળ્યો હતો અને આ ફિલ્મ બ્લોકબસ્ટર રહી હતી. તે જ સમયે, 'હાઉસફુલ 5'માં પણ કાર્તિકના નામની ચર્ચા થઈ રહી હતી. જોકે, ગઈકાલની જાહેરાત બાદ એ સ્પષ્ટ થઈ ગયું છે કે કાર્તિક 'હાઉસફુલ 5' સિરીઝનો ભાગ નથી. પરંતુ, અક્ષય અને કાર્તિક પોતપોતાની ફિલ્મો દ્વારા આમને-સામને આવી શકે છે તેવી ચર્ચા ચોક્કસપણે છે.
