- AIMIM નેતા અસદુદ્દીન ઓવૈસી વધુ એક વખત ચર્ચામાં આવ્યા
- 'તમારી તાકાત જાળવી રાખો, એવું ન બને કે તમારી મસ્જિદો તમારી પાસેથી છીનવાઈ જાય'
- તે જગ્યા આજે અમારી પાસે નથી
એક બાજુ અયોધ્યામાં રામ મંદિરના પ્રાણપ્રતિષ્ઠા સમારોહની તડામાર તૈયારીઓ અને સુવર્ણ મસ્જિદને લઈને વિવાદ વકરી રહ્યો છે. આવી સ્થિતિ વચ્ચે ઓલ ઈન્ડિયા મજલિસ ઈત્તેહાદુલ મુસલમીન (AIMIM)ના પ્રમુખ અસદુદ્દીન ઓવૈસીનું વિવાદીત નિવેદન સામે આવ્યું છે. જેમાં તેઓએ કહ્યું કે જ્યાં અમે 500 વર્ષથી સજદા કર્યા હતા. તે જગ્યા આજે અમારી પાસે નથી અને તમે જોઈ શકો છો કે હવે ત્યાં શુ બની રહ્યું છે.
મસ્જિદો અમારી પાસેથી છીનવાઈ જશે!
આજે સોમવાર (1 જાન્યુઆરી)ના રોજ AIMIM)ના પ્રમુખ અસદુદ્દીન ઓવૈસી એક સભાને સંબોધી રહ્યા હતા આ વેળાએ તેમણે કહ્યું કે, "આ તાકાત તમારા હૃદયમાંથી એકતાને ઉખેડી ફેંકવા માંગે છે. વર્ષોની મહેનત બાદ આજે એક મુકામ સુધી પહોંચ્યા છીએ. તેથી તમારી તાકાતને અકબંધ રાખો. આ વેળાએ તેઓએ મુસ્લિમ લોકોને મસ્જિદો (નમાઝ અદા) કરવા માટે અપીલ કરી. ઓવૈસીએ જણાવ્યું કે યુવાઓ, તમારી સમુદાયની ચિંતા અને તાકાત જાળવી રાખો અને મસ્જિદોને આબાદ રાખો. નહીં તો એક દિવસ એવો આવશે કે મસ્જિદો અમારી પાસેથી છીનવાઈ જશે.
'એકતા એ જ તાકાત'
લોકોને એકસંપ થવાની અપીલ કરતા જણાવ્યું કે એકતા એ જ તાકાત છે. તો સંગઠિત રહો અને આશાવાદ સાથે કહ્યું કે મને આશા છે કે આજના યુવાનો પોતાને, પોતાના પરિવારને અને પોતાના વિસ્તારને કેવી રીતે બચાવી શકાય તે વિશે વિચારશે.
ભારતના બંધારણની સ્વતંત્રતા અને ધર્મનો મૂળભૂત અધિકાર છે
નોંધનિય છે કે અગાઉ, નવી દિલ્હી મ્યુનિસિપલ કાઉન્સિલના ગોલ્ડન મસ્જિદને હટાવવાના પ્રસ્તાવ પર લોકોનો અભિપ્રાય માંગતી વખતે, ઓવૈસીએ કહ્યું હતું કે આ નોટિફિકેશન આર્ટિકલ 25નું ઉલ્લંઘન કરનારું છે. જે આપણા ભારતના બંધારણની સ્વતંત્રતા અને ધર્મનો મૂળભૂત અધિકાર છે. કારણ કે તે એક હેરિટેજ સ્થળ પણ છે અને પૂજાનું સ્થળ પણ છે. આ આર્ટિકલ કહે છે કે સંસ્કૃતિની રક્ષા થવી જોઈએ, અને આ પણ સંસ્કૃતિનું જ એક અંગ છે.
