- આજે અહોઈ અષ્ટમી વ્રતની કરાશે ઉજવણી
- માતા અહોઈની સાથે ભગવાન શિવ અને પાર્વતીની પણ પૂજા કરવાની માન્યતા
- લગભગ 600 વર્ષ પછી આ તારીખે આ સંયોગ બની રહ્યો છે
ધાર્મિક માન્યતાઓમાં અનુસાર ધાર્યું ફળ આપતું અહોઈ અષ્ટમી વ્રત આજે તા. 5 નવેમ્બરના રોજ મનાવવામાં આવી રહ્યું છે. આ વ્રત વર્ષના સૌથી કડક ઉપવાસોમાંનું પણ એક માનવામાં આવે છે. આ દિવસે માતા અહોઈની પૂજા કરવાની સાથે ભગવાન શિવ અને પાર્વતીની પણ પૂજા કરવાની પરંપરા છે. આ દિવસે મહિલાઓ નિર્જલા વ્રત રાખી અને અહોઇ માતાની પૂજા આરાધના કરશે.બાદમાં બાળકોની પ્રગતિ, દીર્ધાયુષ્ય અને ઉજ્જવળ ભવિષ્યની મંગલ કામના સાથે પૂજા કરશે. ખાસ આ પવિત્ર દિવસે રવિ પુષ્ય યોગ અને સર્વાર્થ સિદ્ધિ યોગ પણ બનવા જઇ રહ્યો હોવાથી વ્રતનું મહત્વ બમણું થઈ ગયું છે અને માન્યતાઓ એવી પણ છે કે લગભગ 600 વર્ષ પછી આ તારીખે આ સંયોગ બની રહ્યો છે. જેને લઈને અમુક રાશિના લોકોને જબરદસ્ત ફાયદો થશે.
તુલા
લાંબા વર્ષો વીતી ગયા બાદ બનવા જતો દુર્લભ સંયોગ તુલા રાશિના લોકો માટે ખૂબ સારા સમાચાર લઈને આવશે. આ યોગને લઈને લોકોને દરેક કામમાં સફળતા મળે તેવું દેખાઈ રહ્યું છે. તમે કરેલી મહેનત પરિણામના સ્વરૂપમાં દેખાશે. સ્વાસ્થ્ય સુધરશે અને તમારા પરિવાર સાથે સારો સમય પસાર કરશો. નોકરીની તૈયારી કરી રહેલા વિદ્યાર્થીઓની આશા પણ ઉજળી થઈ શકે છે.
ધનુરાશિ
અહોઈ અષ્ટમીની તિથિ ધનુરાશિના લોકો માટે ફળદાયી સાબિત થશે. આજનો આ દિવસ વ્યવસાયની સ્થિતિમાં અનેક નવી તકો લાવી શકે છે. તો આવકના નવા સ્ત્રોત પણ ઉભા થશે. વધુમાં મિત્રોની મદદથી તમામ સમસ્યાઓનું સમાધાન થઈ શકે છે. તમે તમારા પાર્ટનર સાથે ક્વોલિટી ટાઈમ પણ વિતાવી શકો છો.
સિંહ
સિંહ રાશિના જાતકો માટે અહોઈ અષ્ટમીની તારીખ આવકારદાયક નીવડી શકે છે. આ દિવસ રોકાણ સર્વ શ્રેષ્ઠ માનવામાં આવે છે. વેપારી લોકો માટે પૈસા આવવાની સંભાવના છે. વધુમાં જીવનસાથી સાથે ચાલતા મતભેદોનો પણ અંત આવે અને પરિજનો પાસેથી સહકાર મળે તેવી આશા છે.
