- અમદાવાદમાં પણ અર્થશાસ્ત્રી રામાનુજ જેવો જૈનીલ
- માત્ર 6 વર્ષની ઉંમરમાં ધોરણ-10ના દાખલા કરી રહ્યો છે સોલ્વ
- કોઇપણ દેશનો ફ્લેગ જોઇ કહે છે દેશનું નામ
આ છે અમદાવાદનો સૌથી નાનો અર્થશાસ્ત્રી જેનું નામ જૈનીલ છે. અને તેની ઉંમર માત્ર 6 વર્ષની છે.જૈનીલ ધોરણ 10ના ગણિતના અઘરા દાખલા તો ચપટી વગાડતાં સોલ્વ કરી દે છે.તો વળી કોઈ પણ દેશના ફ્લેગ જોઇને તે દેશનું નામ જણાવી દે છે. જૈનીલની ગણિતની અને અન્ય વિષય શીખવાની રુચિ જોઈ કોઈ પણ પ્રભાવિત થાય છે.
6 વર્ષના બાળકનો ગણિત શીખવાનો શોખ
કહેવાય છે કે, બાળકનું બાળપણ એક કોરી પાટી સમાન હોય છે. તેના પર ઘુંટો તેમ ઘુંટાય એક બાળક કે જે 6 વર્ષની ઉમંરમાં જે દાખલો ગણતા સામાન્ય લોકોને કેલક્યુલેટરની જરૂર પડે તેવા દાખલા અને ધોરણ 10 ગણિતના અઘરા દાખલા ફટાફટ ગણી નાખે છે. 41 દેશના ધ્વજ જોઈ તેનું નામ ફટાફટ બોલી દે છે.
ચપટી વગાડતા ધોરણ 10 સિલેબસના દાખલા સોલ્વ કરી દે છે
અમદાવાદના વાસ્ત્રાપુરના રહેતા પટેલ પરિવારનો દિકરો જૈનીલ કે જે માત્ર 6 વર્ષ છે, પણ તેની પ્રતિભા 16 વર્ષના છોકરાને પાછળ પાડે તેવી છે. કારણ કે નાનપણથી જ જૈનીલ તેના પિતા અને માતાને અને પ્રશ્ન પુછતો અને અને તેના માતા પિતા જૈનીલના તમામ પ્રશ્નોનો સહજતાથી જ જવાબ આપતા હતાં. તેના ભાગરૂપે માત્ર 6 વર્ષની ઉમંરે કડકડાટ દાખલા ગણે છે. દેશના ફ્લેગ જોઈ દેશના નામ બોલે છે. ૩ અંક વાળા ભાગાકાર, ગુણાકાર કે વત્તા કારના દાખલા આગળીના ટેરવે ગણી દે છે,અને તે પણ કેલક્યુલેટરની મદદ વગર ગણી દે છે.
જૈનીલના પિતા AMC સરકારી શાળામાં છે શિક્ષક
જૈનીલના પિતાનુ કહેવુ છે કે બાળપણમાં જૈનીલ સમજણો થયો ત્યારથી તે કોઈપણ બાબત તેને ન સમજાય એ પ્રશ્નો પુછ પુછ કરતો. ગણિતમાં તેને વધારે રસ હતો અને ત્યારે થયુ કે મારો બાળક અન્ય બાળકો કરતા જુદો છે ત્યારથી જ નક્કિ કર્યુ હતુ કે જૈનીલને ગણીત શીખવીશ. પિતા AMCની શાળામાં શિક્ષક તરીકે ફરજ બજાવે છે જૈનીલ પોતે ડોક્ટર બનવા માગે છે. જૈનીલના પરિવારએ તેનુ નામ લિટલ રામાનુજન પાડ્યુ છે કે જે એક અર્થશાસ્ત્રી હતા તેથી તેને પરિવાર લિટલ રામાનુજન કહીને જ બોલાવે છે.
