મોટો નિર્ણય / હવેથી અમદાવાદીઓને ઉનાળામાં AMTSમાં ગરમી નહીં લાગે, ટ્રાન્સપોર્ટ કમિટીએ નવી 100 AC બસોને આપી મંજૂરી

• ઉનાળામાં AMTSના મુસાફરોને નહીં લાગે ગરમી
• 100 એસી બસના ટેન્ડરને આપવામાં આવી મંજૂરી 
• અમદાવાદની ટ્રાન્સપોર્ટ કમિટીમાં અપાઇ મંજૂરી 
• માતેશ્વરી અને ચાર્ટર્ડ સર્વિસને કોન્ટ્રાક્ટ આપવામાં આવ્યો
• આગામી ત્રણ મહિનામાં એસી AMTS બસ રોડ પર દોડાવાશે

AC AMTS Bus : મેટ્રો સિટી અમદાવાદમાં દરરોજના હજારો લોકો AMTSમાં મુસાફરી કરે છે. આ તરફ હવે દિવાળીના તહેવારો વચ્ચે અમદાવાદીઓ માટે એક મોટા સમાચાર સામે આવ્યા છે. વાત જાણે એમ છે કે, અમદાવાદ ટ્રાન્સપોર્ટ કમિટીએ ઉનાળામાં AMTSની મુસાફરી કરતાં લોકોને ગરમી ન લાગે તે માટે એક મોટો નિર્ણય કર્યો છે. જે મુજબ અમદાવાદ ટ્રાન્સપોર્ટ કમિટીએ નવી 100 AC બસોને મંજૂરી આપી છે. 

અમદાવાદ શહેરમાં લોકોને મુસાફરીમાં સરળતા રહે તે માટે AMTS સિટીબસની સેવા યથાવત છે. જોકે હવે દિવાળીના તહેવારો વચ્ચે અમદાવાદીઓ માટે એક આનંદદાયક સમાચાર સામે આવ્યા છે. જે મુજબ હવે આગામી ઉનાળામાં AMTSની મુસાફરી કરતાં લોકોને ગરમીથી મુક્તિ મળશે. એટલે કે અમદાવાદ ટ્રાન્સપોર્ટ કમિટીએ નવી 100 AC બસોને  મંજૂરી આપી દીધી છે. જે અંતર્ગત માતેશ્વરી અને ચાર્ટર્ડ સર્વિસને આ કોન્ટ્રાક્ટ આપવામાં આવ્યો છે. જેથી હવે આગામી 3 મહિનામાં AC બસો શરૂ કરવાનું આયોજન છે.