'સોદા'ગર / અમદાવાદનો ગઠીયો બિલ્ડરઃ ફ્લેટ લેવા જાવ કે ખરીદવા જાવ તો જોજો આ વ્યક્તિની જાળમાં ન આવતા

• અમદાવાદનો મહાઠગ બિલ્ડર મિહિર દેસાઈ 
• પતિ-પત્ની બંને નીકળ્યા 'સપનાના સોદાગર' 
• ઘરના ઘરનું સ્વપ્ન એક બાજુ,ચૂનો ચોપડી ગયા 

ઘરનું ઘર હોવાના સ્વપ્ન કોને નાં હોય ? પણ તમારા આ જ સપનાનો 'સોદો' કરી નાખીને પૈસા ઓળવી જવાય ત્યારે કેવું લાગી આવે ? આવું જ કઈક થયું છે એક ચાર્ટડ એકાઉન્ટન્ટ સાથે. અને એક સાથે આ કર્યા પછી બિલ્ડરની પત્નીએ સંખ્યાબંધ  લોકોના ફલેટનું બુકિંગ લઇ લીધું.બિલ્ડર અને તેની પત્નીએ જાણે, મકાનોની શ્રુંખલા સર્જી હોય તેમ, ચૂનો લગાવાનું શરુ કરી દીધું. અને આરોપી મિહિર દેસાઈ સામે એક ફરિયાદ હોય તો હજુ સમજાય.પણ અમદાવાદના જ 10 પોલીસ મથકમાં અલગ-અલગ ફરિયાદો નોંધાઈ છે. 

મહાઠગ મિહિર દેસાઈ 

અમદાવાદમાં રોકાણકારો સાથે છેતરપિંડી કરી ચૂનો લગાવનાર બિલ્ડર વધુ એકવાર પોલીસ સકંજામાં આવ્યો છે. આનંદનગર પોલીસે આરોપી બિલ્ડર મિહીર દેસાઈની ધરપકડ કરી છે. ચાર્ટડ એકાઉન્ટન્ટ મલ્હાર મહેતાએ બિલ્ડર મિહીર દેસાઈ પાસેથી ફ્લેટ ખરીદ્યો હતો.જે મિહીર દેસાઈએ અન્યને વેચી 40 લાખની છેતરપિંડી કરી હોવાનો આક્ષેપ કરાયો છે. પોલીસ તપાસમાં  બિલ્ડર મિહિર દેસાઈ અને તેમની પત્ની તોશલે આ પ્રકારની જ મોડસ ઓપરેન્ડી આચરીને સંખ્યા બંધ લોકોના બુકિંગ પેમેન્ટ લઈ ફ્લેટનું પઝેશન કે રિફન્ડમાંથી કશું આપ્યું ન હોવાનું સામે આવ્યું છે.આરોપી મિહીર દેસાઈ સામે અલગ અલગ 10 પોલીસ સ્ટેશનમાં આ રીતની જ ફરિયાદ નોંધાઈ છે..હાલ આનંદનગર પોલીસે આરોપી બિલ્ડર મિહીર દેસાઈની ધરપકડ કરીને કાયદેસરની કાર્યવાહી હાથ ધરી છે.