સરપ્રાઈઝ વિઝીટ / એવું શું થયું કે કૃષિ ભવનના અધિકારીઓને રાઘવજી પટેલે ખખડાવ્યાં? ખુલી એવી પોલ કે જાણીને ચોંકી જશો

• કૃષિમંત્રી રાઘવજી પટેલે કૃષિ ભવનની લીધી સરપ્રાઈઝ વિઝીટ
• અચાનક મુલાકાત ગોઠવતાં જ કૃષિભવનનું તંત્ર દોડતું થયું
• રાઘવજી પટેલે મોડા આવનારા અધિકારીઓને તતડાવ્યા

ગુજરાતમાં નવી સરકાર બનતાની સાથે જ કામગીરી યુદ્ધના ધોરણે શરૂ થઈ ગઈ છે. ત્યારે કૃષિમંત્રી તરીકેની કમાન સંભાળ્યા બાદ રાઘવજી પટેલ એક્શન મોડમાં જોવા મળ્યા છે. આજે રાઘવજી પટેલ ગાંધીનગરમાં આવેલા કૃષિ ભવનની સરપ્રાઈઝ વિઝીટ માટે પહોંચ્યા હતા.

કૃષિમંત્રી રાઘવજી પટેલ અચાનક કૃષિભવન પહોંચ્યા
કૃષિભવનમાં સરપ્રાઈઝ ચેકિંગ દરમિયાન સરકારી બાબુઓ ત્યાંથી ગાયબ જોવા મળ્યા હતાં. એટલે કે અધિકારીઓ 11:30 સુધી ઓફિસમાં પહોંચ્યા નહોતા. રાઘવજી પટેલે કૃષિભવનમાં તમામ વિભાગના વડાઓ પાસે અધિકારીઓને લઈને સંપૂર્ણ રિપોર્ટ માંગ્યો હતો.

તમામ વિભાગના વડાઓ પાસે ગેરહાજર અધિકારીઓનો રીપોર્ટ માંગ્યો
જે બાદ તેઓએ કહ્યું હતું કે, કોઈ પણ સરકારી કર્મચારી સમયસર નહીં આવે તો તે ચલાવી લેવાશે નહીં. હવે જો અધિકારીઓ કે કર્મચારીઓ મોડા પડશે તો તેમના સામે પગલા લેવામાં આવશે. આ સાથે કૃષિમંત્રીએ કૃષિ ભવનની ઓફિસમાં સ્વચ્છતા જાળવવા પણ સૂચનો કર્યા હતા. રાઘવજી પટેલની અચાનક મુલાકાતથી અધિકારીઓમાં સોંપો પડી ગયો હતો.  

મંત્રીઓને પોતાના વિભાગની મુલાકાત કરવા માટે અપાઈ છે સૂચના
અત્રે ઉલ્લેખનીય છે કે, ગુજરાતમાં નવી સરકાર બન્યા બાદ હાઈકમાન્ડે તમામ મંત્રીઓને પોતાના વિભાગોની સરપ્રાઈઝ ચેકિંગ કરવા માટેની સૂચનાઓ આપી છે.  નવા મંત્રીઓને પણ તેમની ચેમ્બરમાં હાજર રહેવા આદેશ કરવામાં આવ્યો છે. તમામ મંત્રીઓની કેબિનની બહાર પણ મુલાકાતીઓને મળવા માટેનો સમય લખવામાં આવ્યો છે.