કુમાર કાનાણીએ પોલીસની કામગીરી પર સવાલ ઉઠાવતા કહ્યું કે, અકસ્માત રાત્રે થાય છે અને પોલીસ દિવસે ઉભી રહે છે તેમજ લાયસન્સ જેવી બાબતમાં સામાન્ય માણસને દિવસે હેરાન કરાય છે અને કાર્યવાહીની જરૂર તો ખરા અર્થમાં મોડી રાત્રે છે
Share
સુરતમાં અકસ્માત બાદ કુમાર કાનાણીનાં પોલીસ પર આક્ષેપ
કુમાર કાનાણીએ પોલીસની કામગીરી પર ઉઠાવ્યા સવાલ
'અકસ્માત રાત્રે થાય છે અને પોલીસ દિવસે ઉભી રહે છે'
સુરતમાં પણ અમદાવાદ ઇસ્કોન બ્રિજ જેવી ઘટના ઘટી હતી. બેફામ નબીરાએ કથિત રીતે દારૂના નશામાં BRTS રુટમાં કાર ચલાવી બાઇક સવાર યુવકોને અડફેટે લીધા હતા. ઈજાગ્રસ્તોને સારવાર માટે હોસ્પિટલ ખસેડાયા છે. જે અકસ્માત બાદ ધારાસભ્ય કુમાર કાનાણીએ પોલીસ પર આક્ષેપ કર્યા છે.
પોલીસ પર કાનાણીનાં આક્ષેપ
કુમાર કાનાણીએ પોલીસની કામગીરી પર સવાલ ઉઠાવતા કહ્યું કે, અકસ્માત રાત્રે થાય છે અને પોલીસ દિવસે ઉભી રહે છે તેમણે કહ્યું કે, લાયસન્સ જેવી બાબતમાં સામાન્ય માણસને દિવસે હેરાન કરાય છે અને કાર્યવાહીની જરૂર તો ખરા અર્થમાં મોડી રાત્રે છે. કાનાણીએ કહ્યું કે, નશો કરીને બેફામ ફરતા લોકો પર કડક કાર્યવાહી થવી જોઈએ અને માતાપિતાએ પણ પોતાના સંતાનો પ્રત્યે સજાગ રહેવાની જરૂર છે.
આ મુદ્દે મુખ્યમંત્રી અને ગૃહમંત્રીનું ધ્યાન દોરીશું : કાનાણી
ધારાસભ્ય કાનાણીએ કહ્યું કે, હેલમેટ, લાયસન્સ. નંબર પ્લેટ જેવી બાબતે સામાન્ય પ્રજાને દંડવામાં આવે છે. તેમણે કહ્યું કે, આવી ઘટના રોકવાની ફરજ આપણા બધાની છે અને આ મુદ્દે મુખ્યમંત્રી અને ગૃહમંત્રીનું ધ્યાન દોરીશું તેમ પણ કાનાણીએ જણાવ્યું હતું.
'બાપને પણ ધ્યાને રાખવું પડશે'
કાનાણીએ જણાવ્યું કે, આ બાબતે મા બાપને પણ ધ્યાને રાખવું પડશે કે, આપણા દીકરા દીકરીઓ ક્યાં જાય છે, રાત્રે ઘરેથી નીકળે છે - ક્યાં જાય છે તેના પર નજર રાખવી પડશે. કેટલા વાગ્યા ઘરેથી જાય કેટલા વાગે ઘેર આવે છે તે બાબત મા બાપને પણ જોવી પડશે. વધુમાં તેમણે કહ્યું કે, વર્તમાનમાં સામાજિક દૂષણ ઉભું થયું છે.
શુ છે સમગ્ર મામલો
વાયુ વેગે કાર ચલાવી સુરતમાં સાજન ઉર્ફે સન્ની પટેલે 3 બાઈક સવાર અને 2 રાહદારીને અડફેટે લીધા હતા. જેને લઈને અફરાતફરી સર્જાઈ હતી. એટલું જ નહીં બાઈક ચાલકને 20 ફૂટ સુધી ઢસડ્યા બાદ કાર રોકાતા રૂવાટા ઉભા થઇ જાય તેવા દ્રશ્યો સર્જાયા હતા. આ અકસ્માતમાં વિવેક અને કિશન હીરપરા તથા ઋષિત અને યશ નામના યુવાનોને ગંભીર ઈજા થવા પામી હતી. આરોપીએ નીતિ નિયમો નેવે મૂકી BRTS રૂટમાં ઓવરસ્પિડમાં કાર ચલાવી અકસ્માત સર્જયો હતો. આરોપી કારના ચાલકે એક બાદ એક ત્રણ બાઈક ચાલકને અડફેટે લીધા હતા. બાદમાં કારની એરબેગ્સ ખુલી ગઈ હતી.
