સતર્ક / કોરોના પછી આ વાયરસને લઈ WHO એ આપ્યું એલર્ટ: સાવધાની ન રાખી તો કહેર મચાવ્યો સમજો, સ્થિતિ થશે ખરાબ

• WHOની આ વાયરસને લઈને ચેતવણી
• સતર્કતા નહિ રાખીએ તો સર્જાઈ શકે છે તબાહી
• WHO એ બીમાર પશુ, પક્ષીઓને ન અડવા સહિતની આપી ચેતવણી

વિશ્વભરમાં હાહાકાર મચાવતા કોરોના વાયરસને પગલે અનેક દેશોની આર્થિક સ્થિતિ ડામાડોળ બની છે કોરોનાને ત્રણ વર્ષ જેટલો સમય વીતવા છતાં પણ અનેક દેશોની સ્થિતિ હજુ સુધી નથી આવી કપરી હાલત વચ્ચે ફરી એકવાર WHO એ બ્લર્ડ ફલૂ ઇન્ફેક્શન વાયરસને લઈને ચેતવણી આપી છે. પક્ષીઓ ઉપરાંત સસ્તન પ્રાણીઓમાં બર્ડ ફ્લૂના ચેપના ફેલાવાને કારણે વિશ્વ આરોગ્ય સંસ્થા ની ચિંતા વધારી દીધી છે. મિંક, ઓટર, શિયાળ, સી લાયન જેવા સસ્તન પ્રાણીઓમાં બર્ડ ફ્લૂના ફેલાવા અંગે WHOએ કહ્યું કે માણસમાં પણ આ ચેપ લાગવાની શકયતા રહેલી છે. કારણ કે મનુષ્ય પણ સસ્તન પ્રકારનો જીવ છે.

ડબ્લ્યુએચઓના વડાએ કહ્યું
 
WHO એ ચેતવણી આપતા કહ્યું જો સતર્ક કે સાવચેત નહીં રહીએ તો વધુ એકવાર તબાહી સર્જાઈ શકે છે. પરંતુ ગભરાવું નહિ! આ મામલે ડબ્લ્યુએચઓના વડા ટેડ્રોસ અદનોમ ધેબ્રેયસસએ જણાવ્યું કે એવીયન ઈંફ્લુએન્જા વાયરસ મહામારી બનવાનો ખતરો બની શકે છે. આ રોગ પક્ષીઓ સાથે સાથે પ્રાણીઓમાં પણ ફેલાઈ શકે છે. શિયાળ, સી લાયન સહિતના પ્રાણીઓમાં ફેલાઈ શકે છે. WHO એ કહ્યું કે, માત્ર પ્રાણીઓમાં જ નહીં પરંતુ મનુષ્યોમાં પણ ફેલાઈ શકવાની વાત કરી છે.

 
જોખમ અટકાવવા આટલું કરો
હાલમાં WHO એ મનુષ્યો માટેના જોખમને ઓછું આંકી રહ્યું છે. પરંતુ આવી જ સ્થિતિ બની રહી તેવું માનવું ભૂલભરેલું છે. એવીયન ફલૂ વાયરસ H5N1 ફ્લૂનો માનવમાં ફેલાવો હાલ દુર્લભ હોવાનું જાણવા મળી રહ્યું છે છતાં તેને નકારી શકાય તેમ નથી. આ રોગથી બચવાના ઉપાય જણાવતા તેમણે કહ્યું કે લ બીમાર કે મૃત જંગલી પ્રાણી કે પક્ષીને આડવું નહિ! ઉપરાંત આવા પ્રાણીઓના સંપર્કમાં આવ્યા હોય તો સ્થાનિક અધિકારીઓને જાણ કરવા પણ જણાવાયું છે. વધુમાં બીમાર અથવા મૃત મરઘીઓ વિશે ખૂબ કાળજી લેવી પણ જરૂરી છે.