- બજરંગ પૂનિયા બાદ હવે વીરેન્દ્ર સિંહે કર્યો સપોર્ટ
- સાક્ષી મલિકનાં નિર્ણયનું કર્યું સમર્થન
- કહ્યું હું પણ મારો પદ્મશ્રી પરત કરીશ...
સંજય સિંહને ભારતીય કુશ્તી મહાસંઘનાં નવા અધ્યક્ષ તરીકે પસંદ કરાયા બાદ ફરી એકવાર પહેલાવાનોમાં ગુસ્સો તેમજ દુખની લાગણી જોવા મળી છે. પહેલા ઓલપિંક બ્રોન્ઝ પદક વિજેતા સાક્ષી મલિકે પ્રેસ કોન્ફેરેન્સ કરીને કુશ્તી છોડવાનું એલાન કર્યું તો એ બાદ પહેલવાન બજરંગ પૂનિયાએ પોતાનો પદ્મશ્રી એવોર્ડ પરત કર્યો. હવે આ કડીમાં વધુ એક પહેલવાનનું નામ જોડાઈ ગયું છે. રેસલર વીરેન્દ્ર સિંહે પહેલવાનોનો સપોર્ટ કરતાં પોતાનો પદ્મશ્રી એવોર્ડ પરત આપવાની વાત કરી છે.
વીરેન્દ્ર સિંહે પદક પરત કરવાની ચેતવણી આપી
વીરેન્દ્ર સિંહે પોતાના એક્સ એકાઉન્ટ પર લખ્યું કે હું પણ મારી બહેન અને દેશની દીકરી માટે પદ્મશ્રી પ્રધાનમંત્રી નરેન્દ્ર મોદીને પરત કરીશ. મને તમારી દીકરી અને પોતાની બહેન સાક્ષી મલિક પર ગર્વ છે.આ સિવાય દેશનાં સૌથી ઉચ્ચ ખેલાડીઓને પણ અનુરોધ કરીશ કે તે પણ પોતાનો નિર્ણય આપે.
બજરંગ પૂનિયાએ PM મોદીને પરત કર્યું પદક
શુક્રવારે રેસલર બજરંગ પૂનિયાએ પ્રધાનમંત્રી નરેન્દ્ર મોદીને એક પત્ર લખીને પોતાનો પદ્મશ્રી પરત કર્યો હતો. આ અંગે બજરંગ પૂનિયાએ ટ્વીટ કરીને જાણકારી આપી હતી અને પછી દિલ્હીનાં કર્તવ્ય પથ પર જઈને ફૂટપાથ પર પોતાનું પદક રાખી દીધું હતું.
21 ડિસેમ્બરનાં થયું હતું એલાન
21 ડિસેમ્બરનાં ભારતીય કુશ્તી મહાસંઘનાં નવા અધ્યક્ષનું એલાન થયું હતું. પૂર્વ અધ્યક્ષ બૃજભૂષણ સિંહ શરણનાં નજીકી સંજય સિંહને આ જવાબદારી સોંપવામાં આવી. સંજય સિંહ વર્ષ 2008માં કુશ્તી સંઘમાં જોડાયા હતાં. તેમને પહેલાં વારાણસી જિલ્લા કુશ્તી સંઘનાં અધ્યક્ષ બનાવવામાં આવ્યાં હતાં જે બાદ આ મોટી જવાબદારી તેમને આપવામાં આવી હતી.
