સુરતમાં એડ્વોકેટ મેહુલ બોઘરા પર ફરી એકવાર હુમલો થયાની ઘટના ધ્યાને આવી છે. અત્રે જણાવીએ કે, મેહુલ બોધરા વિવિધ ટ્રાફિક રૂલ્સને લઈ સોશિયલ મીડિયા પર એક્ટિવ રહે છે. ત્યારે ફરી એકવાર ટ્રાફિક રુલ્સ ચકાસણી કરવું મહુલ બોઘરાને ભારે પડ્યું છે
મેહુલ બોધરાએ શું કહ્યું ?
મેહુલ બોધરાએ સમગ્ર ઘટના બાદ સોશિયલ મીડિયામાં લાઈવ થઈ જણાવ્યું હતું કે, હું મારા અંગત કામ અર્થે બહાર જઈ રહ્યો હતો ત્યારે પર્વત પાટિયા પાસે બીઆરટી કોરીડોર પાસે એક બ્લેક કલરના કાચ વાળી નંબર પ્લેટ વિનાની ગાડી જોવા મળી હતી. ત્યારે મને એ ગાડી પર શંકા જતા તે ગાડી તરફ જઈને મારી સેફ્ટી માટે સોશિયલ મીડિયામાં લાઈવ શરૂ કર્યું હતું. ત્યારે તે ગાડી ચાલક મારી પર ગાડી ચડાવવાનો પ્રયત્ન કર્યો હતો.
વાંચવા જેવું: હવે વિદેશમાં રહેવાનું સપનું અવશ્ય પૂર્ણ થશે! કારણ આ 5 દેશ, જે ભારતીયોને સરળતાથી આપે છે નાગરિકતા
મેહુલ બોધરાએ પોલીસ પર કર્યા આક્ષેપ
ઘટના અંગે મેહુલ બોઘરાએ વધુમાં કહ્યું કે, તે ગાડી ચાલકે મારી પર ઉગ્રતા ભર્યું વર્તન કર્યું હતું. તે સમય મેં કેન્ટ્રોલ રૂમમાં ફોન કર્યો હતો તેમણે કોલ ઉપાડ્યો ન હતો. ત્યારબાદ ટ્રાફિક DCPને પણ કોલ કર્યો હતો. તેમણે પણ કોલ ન ઉપાડ્યો. વધુમાં તેમણે આક્ષેપ કર્યો હતો કે, ગાડી ચાલકે અન્ય લોકોને કોલ કરીને બોલાવ્યા હતા. તે લોકોએ તેમના પર પથ્થરમારો કર્યો હતો. તેમણે પોલીસ પર આક્ષેપ કર્યા હતો કે, આ બાબતે હું પુણા પોલીસ સ્ટેશનમાં પણ ગયો હતો જ્યાં પણ ગાડી ચાલક અને તેના સાથીદારો મને મારવાનો પ્રયત્ન કરે છે. તે લોકોએ પોલીસની હાજરીમાં ધમકી પણ આપી હતી. મેહુલ બોઘરાએ પી આઈ પર ગંભીર આક્ષેપ કર્યા હતા
અત્રે જણાવીએ કે, આ બાબતની કોઈ અધિકારીક સ્પષ્ટતા સામે આવી નથી. સત્ય શું છે તે તપાસનો વિષય છે. આ સમગ્ર બાબત સોશિયલ મીડિયામાં ખૂબ જ વાયરલ થઈ રહી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
