- ફિલ્મ આદિપુરુષ કી લંકા લાગી ગઈ હોય એવું લાગી રહ્યું છે
- ફિલ્મે 10 દિવસમાં 274.55 કરોડનો બિઝનેસ કર્યો છે
- બીજા શનિવારે 5.25 કરોડ અને રવિવારે 6 કરોડની કમાણી કરી હતી
પ્રભાસ અને કૃતિ સેનન અભિનીત ફિલ્મ આદિપુરુષ કી લંકા લાગી ગઈ હોય એવું લાગી રહ્યું છે. ભાગ્યે જ કોઈએ વિચાર્યું હશે કે 500 કરોડના જંગી બજેટમાં બનેલી ફિલ્મ આવી રીતે ફ્લોપ જશે. ઓમ રાઉતના નિર્દેશનમાં બનેલી ફિલ્મનું કલેક્શન દરરોજ ઘટી રહ્યું છે. પહેલા વીકએન્ડમાં નક્કર કમાણી કરનાર આદિપુરુષની હાલત બીજા વીકએન્ડમાં કફોળી થઈ ગઈ છે. જણાવી દઈએ કે ફિલ્મે 10 દિવસમાં 274.55 કરોડનો બિઝનેસ કર્યો છે.
ફિલ્મ આદિપુરુષ થઈ ફેલ
આદિપુરુષે બીજા શનિવારે 5.25 કરોડ અને રવિવારે 6 કરોડની કમાણી કરી હતી. શનિવારની સરખામણીએ કલેક્શનમાં નજીવી વૃદ્ધિ જોવા મળી હતી. જો કે ભારતમાં પહેલા 3 દિવસમાં 220 કરોડ રૂપિયાની કમાણી કરી હતી. પછી ધીરે ધીરે વિવાદ એ રીતે ફિલ્મ પર હાવી થયો કે 500 કરોડમાં બનેલી ફિલ્મ દરરોજ ડૂબવા લાગી. હવે પ્રભાસની ફિલ્મ માટે ભારતમાં 300 કરોડની કમાણી કરવી મુશ્કેલ બની રહી છે.
ફિલ્મને દર્શકો નથી મળી રહ્યા
ફિલ્મને ડૂબતી બચાવવા માટે મેકર્સે બજરંગબલીના ડાયલોગ બદલ્યા, ટિકિટ સસ્તી કરવામાં આવી છે. આમ છતાં આદિપુરુષને દર્શકો મળતા નથી. એમ છતાં પણ ફિલ્મે બીજા અઠવાડિયામાં 100 કરોડની કમાણી કરી શકી નહતી.
કાર્તિકની ફિલ્મ ટક્કર આપશે
એવામાં હવે કાર્તિક આર્યન અને કિયારા અડવાણીની ફિલ્મ સત્યપ્રેમ કી કથા 29 જૂને સિનેમાઘરોમાં રિલીઝ થઈ રહી છે. સિનેમાઘરોમાં આ ફિલ્મ રિલીઝ થયા બાદ આદિપુરુષને દર્શકો નહીં મળે એવું લાગી રહ્યું છે. હાલમાં વિકી કૌશલની ફિલ્મ ઝરા હટકે ઝરા બચકેને આદિપુરુષને દર્શકો ન મળવાનો ફાયદો થઈ રહ્યો છે. આ ફિલ્મ સારી કમાણી કરી રહી છે.
