ક્રિકેટ / કોહલીના ફેન્સ પર લેવાશે એક્શન: મેચમાં હાર્યા તો વટાવી નાંખી હદ, હવે મહિલા આયોગ કરશે કાર્યવાહી

• શુભમન ગિલની બહેનને ટ્રોલ કરવામાં આવી રહી છે
• RCB સામેની મેચમાં શુભમને સદી ફટકારી હતી
• DCW ચીફ સ્વાતિ માલીવાલે ટ્રોલર્સની આકરી ટીકા કરી

ગુજરાત ટાઇટન્સના ઓપનર શુભમન ગિલની બહેનને ટ્રોલ કરવામાં આવી રહી છે. IPLમાં રોયલ ચેલેન્જર્સ બેંગ્લોર સામે રમાયેલી મેચમાં શુભમને સદી ફટકારી હતી, જેના કારણે RCB ટૂર્નામેન્ટમાંથી બહાર થઈ ગયું હતું અને ટ્રોલર્સે શુભમનની બહેનને ટ્રોલ કરવાનું શરૂ કર્યું હતું. DCW ચીફ સ્વાતિ માલીવાલે સોમવારે આ કૃત્ય કરનાર વ્યક્તિની આકરી ટીકા કરી હતી. તેણે કહ્યું કે શુભમનની બહેનને ટ્રોલ કરનારાઓ સામે કાર્યવાહી કરવામાં આવશે.

સ્વાતિ માલીવાલે પોતાના ટ્વીટમાં લખ્યું, 'ટ્રોલર્સને શુભમન ગિલની બહેન સાથે દુર્વ્યવહાર કરતા જોવું ખૂબ જ શરમજનક છે કારણ કે તેઓ જે ટીમને સપોર્ટ કરે છે તે મેચ હારી ગઈ. અગાઉ અમે વિરાટ કોહલીની પુત્રી સાથે દુર્વ્યવહાર કરનારાઓ સામે કાર્યવાહી શરૂ કરી હતી. DCW એ તમામ લોકો સામે પગલાં લેશે જેમણે ગિલની બહેન સાથે પણ દુર્વ્યવહાર કર્યો છે. આ સહન કરવામાં આવશે નહીં.

Extremely shameful to see trollers abusing #ShubhmanGill’s sister just because the team they follow lost a match. Previously we had initiated action against people abusing #ViratKohli daughter. DCW will take action against all those who have abused Gill’s sister as well. This… pic.twitter.com/eteGtGgPVm

— Swati Maliwal (@SwatiJaiHind) May 22, 2023

જણાવી દઈએ કે રવિવારે ગુજરાત ટાઈટન્સે RCB લામે જોરદાર જીત મળેવી છે, આ મેચમાં ગિલે 52 બોલમાં 5 ચોગ્ગા અને 8 છગ્ગાની સાથે અણનમ 104 રન બનાવ્યા અને બેંગલોરને પ્લેઓફની રેસમાંથી બહાર કરી દીધું હતું. બેંગ્લોરના બહાર થવાની સાથે જ મુંબઈ ઈન્ડિયન્સ પ્લેઓફમાં પહોંચનારી ચોથી ટીમ બની ગઈ છે. આરસીબીની હાર તેના ચાહકોને સારી ન લાગી અને તેઓએ સોશિયલ મીડિયા પર શુભમન ગિલ અને તેની બહેન સાથે અપશબ્દો બોલ્યા હતા. આ મામલે દિલ્હી મહિલા આયોગ તેમની સામે કાર્યવાહી કરશે.